നാണ്യവിള ബോർഡുകളുടെ വിഹിതം കൂട്ടണം: ജോയി ഏബ്രഹാം
Monday, March 20, 2017 11:33 PM IST
ന്യൂ​ഡ​ൽ​ഹി: ക​ടു​ത്ത പ്ര​തി​സ​ന്ധി​യി​ലാ​യ നാ​ണ്യ​വി​ള ക​ർ​ഷ​ക​രെ സം​ര​ക്ഷി​ക്കു​ന്ന​തി​നാ​യി റ​ബ​ർ, തേ​യി​ല, കാ​പ്പി, സ്പൈ​സ​സ് ബോ​ർ​ഡു​ക​ൾ​ക്കു ബ​ജ​റ്റു വി​ഹി​തം ഗ​ണ്യ​മാ​യി കൂ​ട്ട​ണ​മെ​ന്ന് കേ​ര​ള കോ​ണ്‍ഗ്ര​സ്-​എം നേ​താ​വ് ജോ​യി ഏ​ബ്ര​ഹാം എം​പി പാ​ർ​ല​മെ​ന്‍റി​ൽ ആ​വ​ശ്യ​പ്പെ​ട്ടു. ക​ഴി​ഞ്ഞ ര​ണ്ടു ബ​ജ​റ്റു​ക​ളി​ലും ബോ​ർ​ഡു​ക​ൾ​ക്കു​ള്ള വി​ഹി​തം വെ​ട്ടി​ക്കു​റ​ച്ച​തിന് ന്യാ​യീ​ക​ര​ണ​മി​ല്ല. വ​ര​ൾ​ച്ച നേ​രി​ടാ​ൻ കേ​ര​ള​ത്തി​നു പ്ര​ത്യേ​ക സാ​ന്പ​ത്തി​ക പാ​ക്കേ​ജ് അ​നു​വ​ദി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

നി​ർ​ദി​ഷ്ട റ​വ​ന്യൂ ഇ​ൻ​ഷ്വ​റ​ൻ​സ് പ​ദ്ധ​തി​യി​ൽ പാ​ല​ക്കാ​ടി​നു പു​റ​മേ പ്ര​ധാ​ന റ​ബ​ർ ഉ​ത്പാ​ദ​ക മേ​ഖ​ല​ക​ളാ​യ കോ​ട്ട​യം, പ​ത്ത​നം​തി​ട്ട, എ​റ​ണാ​കു​ളം, ഇ​ടു​ക്കി, ക​ണ്ണൂ​ർ അ​ട​ക്ക​മു​ള്ള ജി​ല്ല​ക​ളെ കൂ​ടി ഉ​ൾ​പ്പെ​ടു​ത്ത​ണം. നി​ല​വി​ൽ പാ​ല​ക്കാ​ട് ജി​ല്ല​യെ മാ​ത്ര​മാ​ണു റ​ബ​ർ ഇ​ൻ​ഷ്വ​റ​ൻ​സ് പ​ദ്ധ​തി​യി​ലു​ള്ള​ത്. റ​ബ​ർ ക​ർ​ഷ​ക​രെ സം​ര​ക്ഷി​ക്കാ​ൻ സ​ർ​ക്കാ​ർ ന​ട​പ​ടി​യെ​ടു​ക്ക​ണം. സ്വാ​ഭാ​വി​ക റ​ബ​റി​ന്‍റെ ഇ​റ​ക്കു​മ​തി തീ​രു​വ 25 ശ​ത​മാ​ന​മോ, 30 രൂ​പ​യോ ഏ​താ​ണോ കു​റ​വ് എ​ന്ന വ്യ​വ​സ്ഥ​യി​ലെ 30 രൂ​പ​യു​ടെ പ്രൈ​സ് ക്യാ​പ് നീ​ക്ക​ണം. ഇ​തോ​ടൊ​പ്പം റ​ബ​ർ സം​ര​ക്ഷ​ണ ചു​ങ്കം ഏ​ർ​പ്പെ​ടു​ത്തു​ക​യും വേ​ണം- രാ​ജ്യ​സ​ഭ​യി​ൽ പൊ​തു​ബ​ജറ്റിലു​ള്ള ച​ർ​ച്ച​യി​ൽ പ​ങ്കെ​ടു​ത്തു പ്ര​സം​ഗി​ക്ക​വേ ജോ​യി ഏ​ബ്ര​ഹാം ആ​വ​ശ്യ​പ്പെ​ട്ടു.


2003 മു​ത​ൽ 2013 വ​രെ നി​ല​വി​ലു​ണ്ടാ​യി​രു​ന്ന റ​ബ​ർ വി​ല​സ്ഥി​ര​താ ഫ​ണ്ടി​ൽ മി​ച്ച​മു​ണ്ടാ​യി​രു​ന്ന 1011 കോ​ടി രൂ​പ ക​ർ​ഷ​ക​ർ​ക്കാ​യി ന​ൽ​ക​ണം. പ​ത്തു വ​ർ​ഷ​ത്തി​ന​കം വെ​റും 1.53 കോ​ടി രൂ​പ മാ​ത്ര​മാ​ണ് ഈ ​ഫ​ണ്ടി​ൽ നി​ന്നു ചെ​ല​വ​ഴി​ച്ച​ത്. ബാ​ക്കി തു​ക എ​ന്തു ചെ​യ്തു​വെ​ന്ന് സ​ർ​ക്കാ​ർ വെ​ളി​പ്പെ​ടു​ത്ത​ണം.

റ​ബ​ർ, തേ​യി​ല, കാ​പ്പി, സ്പൈ​സ​സ് ക​ർ​ഷ​ക​ർ​ക്കാ​യു​ള്ള റ​വ​ന്യൂ ഇ​ൻ​ഷ്വ​റ​ൻ​സ് പ​ദ്ധ​തി​ക്കു വെ​റും 10 ല​ക്ഷം രൂ​പ വീ​തം ബ​ജ​റ്റി​ൽ വ​ക​യി​രു​ത്തി​യ​ത് ആ​ക്ഷേ​പ​ക​ര​മാ​ണെ​ന്ന് അ​ദ്ദേ​ഹം പ​റ​ഞ്ഞു.