ജാട്ട് പ്രക്ഷോഭം നീട്ടിവച്ചു
Sunday, March 19, 2017 12:20 PM IST
ന്യൂ​ഡ​ൽ​ഹി: കേ​ന്ദ്ര- സം​സ്ഥാ​ന സ​ർ​ക്കാ​രു​ക​ളെ മു​ൾ​മു​ന​യി​ൽ നി​ർ​ത്തി ഇ​ന്നു തു​ട​ങ്ങാ​നി​രു​ന്ന സം​വ​ര​ണ പ്ര​ക്ഷോ​ഭം ജാ​ട്ട് സ​മു​ദാ​യ​ക്കാ​ർ ഉ​പാ​ധി​ക​ളോ​ടെ 15 ദി​വ​സ​ത്തേ​ക്കു നീ​ട്ടി​വ​ച്ചു.

ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ​ലാ​ൽ ഖ​ട്ട​റു​മാ​യി ഇ​ന്ന​ലെ ന​ട​ത്തി​യ ച​ർ​ച്ച​യെ തു​ട​ർ​ന്നാ​ണ് പി​ന്മാ​റ്റം. ത​ങ്ങ​ളു​ന്ന​യി​ച്ച ആ​വ​ശ്യ​ങ്ങ​ളി​ൽ പ​തി​ന​ഞ്ച് ദി​വ​സ​ത്തി​നു​ള്ളി​ൽ തീ​രു​മാ​ന​മു​ണ്ടാ​യി​ല്ലെ​ങ്കി​ൽ ഏ​പ്രി​ൽ ഒ​ന്നു മു​ത​ൽ വീ​ണ്ടും പ്ര​ക്ഷോ​ഭം ആ​രം​ഭി​ക്കു​മെ​ന്ന് സ​മു​ദാ​യ നേ​താ​ക്ക​ൾ സം​യു​ക്ത​മാ​യി അ​റി​യി​ച്ചു.

ജാ​ട്ട് വി​ഭാ​ഗ​ക്കാ​ർ​ക്ക് സം​വ​ര​ണം ഏ​ർ​പ്പെ​ടു​ത്തു​ന്ന​തി​നാ​യി ദേ​ശീ​യ പി​ന്നോ​ക്ക വി​ഭാ​ഗ ക​മ്മീ​ഷ​ന്‍റെ ചെ​യ​ർ​മാ​നെ​യും അം​ഗ​ങ്ങ​ളെ​യും ഉ​ട​ൻ നി​യ​മി​ക്കു​മെ​ന്നും ന​ട​പ​ടി​ക​ൾ വേ​ഗ​ത്തി​ലാ​ക്കു​മെ​ന്നും ഖ​ട്ട​ർ സ​മ​രസ​മി​തി നേ​താ​ക്ക​ൾ​ക്ക് ഉ​റ​പ്പ് ന​ൽ​കി.

സ​ർ​ക്കാ​ർ ജോ​ലി​ക​ളി​ലും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ജാ​ട്ട് വി​ഭാ​ഗ​ത്തി​ലു​ള്ള നാ​ല് സ​മു​ദാ​യ​ങ്ങ​ൾ​ക്ക് സം​വ​ര​ണം ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് പാ​ർ​ല​മെ​ന്‍റി​ലും ജ​ന്ത​ർ​മ​ന്ത​റി​ലു​മാ​യി ട്രാ​ക്ട​ർ ഉ​പ​യോ​ഗി​ച്ചു​ള്ള പ്ര​ക്ഷോ​ഭ സ​മ​ര​ത്തി​നാ​ണ് സ​മ​രസ​മി​തി ആ​ഹ്വാ​നം ചെ​യ്തി​രു​ന്ന​ത്. പ്ര​ക്ഷോ​ഭം ക​ലാ​പ​മാ​യി മാ​റു​മെ​ന്ന സാ​ഹ​ച​ര്യ​ത്തി​ൽ ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ​ലാ​ൽ ഖ​ട്ട​റി​ന്‍റെ നേ​തൃ​ത്വ​ത്തി​ൽ സ​മ​രസ​മി​തി നേ​താ​ക്ക​ളു​മാ​യി ഇ​ന്ന​ലെ ച​ർ​ച്ച ന​ട​ത്തു​ക​യാ​യി​രു​ന്നു. കേ​ന്ദ്ര ഉ​രു​ക്കുമ​ന്ത്രി ചൗ​ധ​രി ബീ​രേ​ന്ദ​ർ സിം​ഗ്, കേ​ന്ദ്ര നി​യ​മ സ​ഹ​മ​ന്ത്രി പി.​പി. ചൗ​ധ​രി എ​ന്നി​വ​രും യോ​ഗ​ത്തി​ൽ പ​ങ്കെ​ടു​ത്തു.


ജാ​ട്ട് സ​മു​ദാ​യ​ക്കാ​ർ​ക്ക് സം​വ​ര​ണം ന​ൽ​കു​മെ​ന്ന ഉ​റ​പ്പു ന​ൽ​കി​യി​ട്ടു​ള്ള​താ​ണ്. എ​ന്നാ​ൽ, വി​ഷ​യം ഹൈ​ക്കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നും കേ​സ് ന​ട​പ​ടി​ക​ൾ ഉൗ​ർ​ജി​ത​മാ​ക്കാ​ൻ തീ​രു​മാ​നി​ച്ചി​ട്ടു​ണ്ടെ​ന്നും അ​നു​ര​ഞ്ജ​ന യോ​ഗ​ത്തി​നു ശേ​ഷം മു​ഖ്യ​മ​ന്ത്രി ഖ​ട്ട​ർ വി​ശ​ദ​മാ​ക്കി.

സം​ഘ​ർ​ഷ​വും ക​ലാ​പ​വും സ്ഥി​ര​മാ​യി ഉ​ണ്ടാ​കു​ന്ന ജാ​ട്ട് പ്ര​ക്ഷോ​ഭം ക​ണ​ക്കി​ലെ​ടു​ത്ത് ഡ​ൽ​ഹി, ഹ​രി​യാ​ന, രാ​ജ​സ്ഥാ​ൻ സം​സ്ഥാ​ന​ങ്ങ​ളി​ൽ നി​രോ​ധ​നാ​ജ്ഞ പ്ര​ഖ്യാ​പി​ച്ചി​രു​ന്നു. ഡ​ൽ​ഹി അ​തി​ർ​ത്തി​യി​ലെ പ്ര​ധാ​ന റോ​ഡു​ക​ൾ ബാ​രി​ക്കേ​ഡ് ഉ​യ​ർ​ത്തി ബ​ന്ധ​വ​സാ​ക്കി. പ്ര​ക്ഷോ​ഭം ഇ​ന്ന് ആ​രം​ഭി​ക്കാ​നി​രി​ക്കേ ഡ​ൽ​ഹി​യി​ലേ​ക്കു പു​റ​പ്പെ​ട്ട പ്ര​ക്ഷോ​ഭ​ക്കാ​രെ ഫ​ത്തേ​ഹ്ബാ​ദ് ജി​ല്ല​യി​ൽ പോ​ലീ​സ് ത​ട​ഞ്ഞ​തു സം​ഘ​ർ​ഷ​ത്തി​നി​ട​യാ​ക്കി. പ്ര​ക്ഷോ​ഭ​ത്തി​നു പു​റ​പ്പെ​ട്ട ട്രാ​ക്ട​റു​ക​ൾ ത​ട​ഞ്ഞ​തോ​ടെ​യാ​ണ് സം​ഘ​ർ​ഷം ആ​രം​ഭി​ച്ച​ത്. പോ​ലീ​സു​കാ​ർ​ക്കെ​തി​രേ ക​ല്ലേ​റ് ന​ട​ത്തി​യ പ്ര​ക്ഷോ​ഭ​കാ​രി​ക​ൾ ര​ണ്ട് ബ​സു​ക​ൾ തീ​വ​ച്ചു ന​ശി​പ്പി​ച്ചു. നാ​ല് പോ​ലീ​സു​കാ​ർ​ക്ക് പ​രി​ക്കേ​റ്റു. പോ​ലീ​സ് ക​ണ്ണീ​ർ​വാ​ത​കം പ്ര​യോ​ഗി​ച്ചു.

ഓ​ൾ ഇ​ന്ത്യ ആ​ര​ക്ഷ​ണ്‍ സം​ഘ​ർ​ഷ് സ​മി​തി​യു​ടെ നേ​തൃ​ത്വ​ത്തി​ലാ​ണ് ഡ​ൽ​ഹി​യി​ലും ഹ​രി​യാ​ന, രാ​ജ​സ്ഥാ​ൻ സം​സ്ഥാ​ന​ങ്ങ​ളി​ലെ പ്ര​ധാ​ന ന​ഗ​ര​ങ്ങ​ളി​ലും സ​മ​രം ന​ട​ത്തു​മെ​ന്ന് പ്ര​ഖ്യാ​പി​ച്ചി​രു​ന്ന​ത്. ക​ഴി​ഞ്ഞ വ​ർ​ഷം ഫെ​ബ്രു​വ​രി​യിലെ പ്ര​ക്ഷോ​ഭ​ത്തി​ൽ 30 പേ​ർ കൊ​ല്ല​പ്പെ​ട്ടി​രു​ന്നു.

ജി​ജി ലൂ​ക്കോ​സ്