നോവലിസ്റ്റ് ജോയ്‌സിയുടെ മകന്‍ ബൈക്കപകടത്തില്‍ മരിച്ചു : Deepika.com National News |

Click here for detailed news of all items

നോവലിസ്റ്റ് ജോയ്‌സിയുടെ മകന്‍ ബൈക്കപകടത്തില്‍ മരിച്ചു

Saturday, March 18, 2017 12:24 PM IST

ബംഗളുരൂ: നോവലിസ്റ്റ് ജോയ്‌സിയുടെ (ജോസി വാഗമറ്റം) മകന്‍ ബാലു ജോയ്‌സി (23) ബൈക്കപകടത്തില്‍ മരിച്ചു. കോട്ടയം നട്ടാശേരി ചൊവ്വാറ്റുകുന്നേല്‍ കുടുംബാംഗമാണ്.
മൃതദേഹം പോസ്റ്റ്‌മോര്‍ട്ടത്തിനു ശേഷം നാട്ടിലേക്കു കൊണ്ടുപോയി. സംസ്‌കാരം ഇന്നു മൂന്നിനു പാറമ്പുഴ ബത്‌ലഹേം പള്ളിയില്‍. വെള്ളയാഴ്ച രാത്രി 11.30നു ഔട്ടര്‍ റിംഗ് റോഡിലെ ഹെന്നൂര്‍ ക്രോസിലായിരുന്നു അപകടം. അജ്ഞാത വാഹനം ഇടിച്ചിട്ട ശേഷം പോകുകയായിരുന്നുവെന്നു ബാനസവാഡി പോലീസ് അറിയിച്ചു. ഗുരുത രമായി പരിക്കേറ്റ് റോഡിൽ കിടന്ന ബാലുവിനെ നാട്ടുകാർ അറിയിച്ചതനുസരിച്ച് പോലീസ്് ആശുപത്രിയില്‍ എത്തിച്ചെങ്കിലും മരണം സ്ഥിരീകരിച്ചു. ഹെബ്ബാള്‍ കെംപാപുരയിലെ താമസസ്ഥലത്തുനിന്നു കമ്മനഹള്ളിയിലേക്കു പോകുമ്പോഴാണ് അപകടം.

ബംഗളൂരു എംബസി ഗോള്‍ഫ് ലിങ്ക്‌സില്‍ ഫിഡലിറ്റി ഫിനാന്‍സ് കമ്പനിയില്‍ ഫിനാന്‍ഷ്യൽ അനലിസ്റ്റായിരുന്നു. ഓസ്‌ട്രേലിയയിലേക്കു പോകാന്‍ തയാറെടുക്കുകയായിരു ന്നു. മാതാവ്: ഇടുക്കി മുരിക്കാശേരി ഇടയാല്‍ കുടുംബാംഗം സാലമ്മ. സഹോദരങ്ങള്‍: മനു ജോയ്‌സി (സീരിയല്‍ സംവിധായകന്‍), മീനു, സാനു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.