ഭാജിയവാലയ്ക്കെതിരേ എൻഫോഴ്സ്മെന്‍റ് കേസെടുത്തു : Deepika.com National News |

Click here for detailed news of all items

ഭാജിയവാലയ്ക്കെതിരേ എൻഫോഴ്സ്മെന്‍റ് കേസെടുത്തു

Friday, March 17, 2017 1:19 PM IST

ന്യൂഡൽഹി: 500 രൂപ, 1000 രൂപ നോട്ടുകൾ റദ്ദാക്കിയതിനു പിന്നാലെ അനധികൃത പണമിടപാടുകേസിൽ സൂറത്തിലെ വ്യാപാരി കിഷോർ ഭാജിയവാല, മക്കളായ ജിഗ്‌നേഷ്, വിലാസ് എന്നിവർക്കെതിരേ അഹമ്മദാബാദ് കോടതിയിൽ എൻഫോഴ്സ്മെന്‍റ് കുറ്റപത്രം നല്കി.

നോട്ട് റദ്ദാക്കിയ കേന്ദ്ര സർക്കാർ തീരുമാനത്തിനു പിന്നാലെയുള്ള നടപടികളുടെ ഭാഗമായി വരുമാന നികുതി ഉദ്യോഗസ്ഥർ ഭാജിവാലയുടെ വീട്ടിൽ നടത്തിയ റെയ്ഡിൽ കണക്കിൽപെടാത്ത 1.45 കോടി രൂപയും 4.92 കോടി രൂപയുടെ സ്വർണവും 1.28 കോടി രൂപയുടെ വെള്ളിയും കണ്ടെടുത്തിരുന്നു. കിഷോർ അനധികൃതമായി സൂക്ഷിച്ച കോടിക്കണക്കിനു രൂപ സൂറത്ത് കോ-ഓപ്പറേറ്റീവ് ബാങ്കിലെ ഉദ്യോഗസ്ഥരുടെ ഒത്താശയോടെയാണ് വെളുപ്പിച്ചത്. അഞ്ഞൂറു രൂപയുടെയും ആയിരം രൂപയുടെയും നോട്ടുകൾ ബാങ്കിൽ നിക്ഷേപിച്ച കണക്കു പരിശോധിച്ചതിൽ ആയിരക്കണക്കിന് അപേക്ഷകൾ ജിഗ്‌നേഷ് ബാങ്കിൽ സമർപ്പിച്ചതായി കണ്ടെത്തിയിരുന്നു.

ജനുവരിയിൽ എൻഫോഴ്സ്മെന്‍റ് ഉദ്യോഗസ്ഥർ അറസ്റ്റ് ചെയ്ത ജിഗ്‌നേഷ് ജുഡീഷൽ കസ്റ്റഡിയിലാണ്. പിടിച്ചെടുത്തവയിൽ 1.2 കോടിയുടെ പുതിയ നോട്ടുകളുമുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.