ബിഎസ്പി ബഹൻജി സന്പത്തി പാർട്ടിയെന്നു മോദി; മോദി മിസ്റ്റർ നെഗറ്റീവ് ദളിത് മാൻ എന്നു മായാവതി : Deepika.com National News |

Click here for detailed news of all items

ബിഎസ്പി ബഹൻജി സന്പത്തി പാർട്ടിയെന്നു മോദി; മോദി മിസ്റ്റർ നെഗറ്റീവ് ദളിത് മാൻ എന്നു മായാവതി

Monday, February 20, 2017 2:49 PM IST

ജലോൻ/ സുൽത്താൻപുർ: തെരഞ്ഞെടുപ്പു പ്രചാരണത്തിനിടെ ഉത്തർപ്രദേശിൽ പ്രധാനമന്ത്രി നരേന്ദ്ര മോദിയും ബിഎസ്പി നേതാവ് മായാവതിയും ഏറ്റുമുട്ടി. നോട്ട് നിരോധനത്തിനെതിരേ ബിഎസ്പിയുടെ പ്രതിഷേധത്തെ പരിഹസിച്ച് മായാവതിയുടെ ബിഎസ്പി ബഹൻജി സന്പത്തി(സന്പത്തുള്ള) പാർട്ടിയാണെന്നു മോദി പറഞ്ഞു. ബുന്ദേൽഖണ്ഡിലെ ജലോനിൽ ബിജെപിയുടെ തെരഞ്ഞെടുപ്പു പ്രചാരണപരിപാടിയിൽ പങ്കെടുത്തു പ്രസംഗിക്കുകയായിരുന്നു മോദി. മായാവതിയെ ഉത്തർപ്രദേശിൽ ബെഹൻജി എന്ന് അഭിസംബോധന ചെയ്യാറുണ്ട്.

നവംബർ എട്ടിനു നോട്ട് നിരോധന പ്രഖ്യാപനം നടത്തുന്പോൾ യുപിയിലെ എസ്പിയും ബിഎസ്പിയും ശത്രുക്കളായിരുന്നു. എന്നാൽ, ഇന്ന് അവരൊന്നാണ്-മോദി പറഞ്ഞു. നോട്ട് നിരോധനത്തിനുശേഷം ബാങ്കുകളിൽ നോട്ടുകൾ കുമിഞ്ഞുകൂടാൻ തുടങ്ങി. എന്നാൽ, മായാവതിക്ക് അറിയേണ്ടത് തെരഞ്ഞെടുപ്പു സമയത്തുമാത്രം സഹോദരന്‍റെ അക്കൗണ്ട് വിവരം പുറത്തുവിട്ടത് എന്തിനാണെന്നാണ്- മോദി പരിഹസിച്ചു.

എന്നാൽ, തന്‍റെ ജീവിതം ദരിദ്രജനവിഭാഗങ്ങളുടെ ഉന്നമനത്തിനായാണെന്നും ദളിതർമാത്രമല്ല എല്ലാവരും അവരുടെ സഹോദരിയായി കാണുന്നതുകൊണ്ടാണ് തന്നെ സഹോദരി എന്ന അർഥത്തിൽ ബഹൻജി എന്നു വിളിക്കുന്നത്. നരേന്ദ്ര ദാമോദർദാസ് മോദിയെ മിസ്റ്റർ നെഗറ്റീവ് ദളിത് മാൻ എന്നു വിളിക്കാൻ നിർബന്ധിതയാകുകയാണ്- മായാവതി മറുപടി നല്കി. ചെയ്ത സ്വഭാവവും കണക്കിലെടുത്താണ് ഇങ്ങനെ വിളിക്കേണ്ടിവരുന്നതെന്നും സുൽത്താൻപുരിൽ തെരഞ്ഞെടുപ്പു റാലിയിൽ പങ്കെടുത്തു മായാവതി പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.