വിശ്വാസവോട്ടിനെ ചോദ്യംചെയ്ത് ഡിഎംകെ ഹൈക്കോടതിയിലേക്ക് : Deepika.com National News |

Click here for detailed news of all items

വിശ്വാസവോട്ടിനെ ചോദ്യംചെയ്ത് ഡിഎംകെ ഹൈക്കോടതിയിലേക്ക്

Monday, February 20, 2017 2:49 PM IST

ചെന്നൈ: തമിഴ്നാട് നിയമസഭയിൽ ശനിയാഴ്ച നടന്ന വിശ്വാസ വോട്ടെടുപ്പ് അസാധുവായി പ്രഖ്യാപിക്കണമെന്നാവശ്യപ്പെട്ട് പ്രതിപക്ഷമായ ഡിഎംകെ മദ്രാസ് ഹൈക്കോടതിയെ സമീപിച്ചു. ഹർജിയിൽ അടിയന്തരമായി വാദംകേൾക്കണമെന്നു ഡിഎംകെയ്ക്കുവേണ്ടി ഹാജരായ മുതിർന്ന അഭിഭാഷകനും മുൻ രാജ്യസഭാംഗവുമായ ആർ. ഷൺമുഖസുന്ദരം ആവശ്യപ്പെട്ടു. ആക്ടിംഗ് ചീഫ് ജസ്റ്റീസ് എച്ച്.ജി. രമേശ്, ജസ്റ്റീസ്. ആർ. മഹാദേവൻ എന്നിവരടങ്ങുന്ന ബെഞ്ച് കേസ് ഇന്നു പരിഗണിക്കും.

മുഖ്യപ്രതിപക്ഷമായ ഡിഎംകെയിലെ അംഗങ്ങളെ പുറത്താക്കിയശേഷമായിരുന്നു വിശ്വാസവോട്ടെടുപ്പ്. സഖ്യകക്ഷികളായ കോൺഗ്രസും ഐയുഎംഎലും സഭയിൽനിന്ന് ഇറങ്ങിപ്പോവുകയുമായിരുന്നു. 234 അംഗ സഭയിൽ 11 നെതിരേ 122 വോട്ടുകൾക്കാണു മുഖ്യമന്ത്രി പളനിസ്വാമി വിശ്വാസവോട്ട് തേടിയത്. ബഹളം അനിയന്ത്രിതമായതോടെ രണ്ടുതവണ സഭാനടപടികൾ നിർത്തിവയ്ക്കേണ്ടിവന്നു. രഹസ്യവോട്ട് വേണമെന്ന പ്രതിപക്ഷ ആവശ്യം നിരാകരിച്ചായിരുന്നു നടപടികൾ.

തമിഴ്നാട് നിയമസഭാ സ്പീക്കർ പി. ധനപാലിനെതിരേ അവിശ്വാസ പ്രമേയം കൊണ്ടുവരാൻ ഡിഎംകെ നീക്കമാരംഭിച്ചു. ഡിഎംകെ വർക്കിംഗ് പ്രസിഡന്‍റ് എം.കെ. സ്റ്റാലിനാണ് ഇക്കാര്യം വ്യക്തമാക്കിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.