രണ്ടുലക്ഷം രൂപയിൽകൂടിയ ആഭരണ വ്യാപാരത്തിനു നികുതി : Deepika.com National News |

Click here for detailed news of all items

രണ്ടുലക്ഷം രൂപയിൽകൂടിയ ആഭരണ വ്യാപാരത്തിനു നികുതി

Sunday, February 19, 2017 11:52 AM IST

ന്യൂഡൽഹി: ഏപ്രിൽ ഒന്നു മുതൽ രണ്ടുലക്ഷം രൂപയിൽ കൂടുതൽ തുകയ്ക്കു സ്വർണാഭരണങ്ങൾ വാങ്ങുന്പോൾ വിലയുടെ ഒരു ശതമാനം ടിസിഎസ് (ടാക്സ് കളക്റ്റഡ് അറ്റ് സോഴ്സ്) പിടിക്കും.

വാങ്ങുന്നയാളിൽനിന്നു വ്യാപാരിയാണു സ്രോതസിൽ നികുതിപിടിച്ചു സർക്കാരിൽ അടയ്ക്കേണ്ടത്. ഇതുവരെ അഞ്ചു ലക്ഷം രൂപയ്ക്കു മുകളിലുള്ള സ്വർണാഭരണങ്ങൾ വാങ്ങുന്നതിനായിരുന്നു ഒരു ശതമാനം ടിസിഎസ്. ഇക്കഴിഞ്ഞ ബജറ്റിനൊപ്പമുള്ള ധനകാര്യ ബില്ലിൽ ആണു പുതിയ വ്യവസ്ഥ. ബിൽ പാസായാൽ ഏപ്രിൽ ഒന്നിനു വ്യവസ്ഥ പ്രാബല്യത്തിൽ വരും.

രണ്ടുലക്ഷം രൂപയിൽ കൂടിയ തുകയ്ക്ക് എന്തു കച്ചവടം നടത്തിയാലും ഒരു ശതമാനം ടിസിഎസിനു വ്യവസ്ഥയുണ്ട്. അത് ആഭരണത്തിനും ബാധകമാക്കുന്നു എന്നേയുള്ളൂ. അഞ്ചുലക്ഷത്തിനു മുകളിലുള്ള ആഭരണവില്പനയ്ക്കു ടിസിഎസ് എന്ന വ്യവസ്ഥ എടുത്തുകളയുന്നതോടെ മറ്റേതൊരു ഉത്പന്നവും പോലെയാകും സ്വർണാഭരണം. സ്വർണക്കട്ടി (ബുള്ള്യൻ) വ്യാപാരത്തിനു രണ്ടുലക്ഷം രൂപ പരിധി നിലവിൽ ഉണ്ട്. രണ്ടു ലക്ഷത്തിനു മുകളിൽ ഒരു ശതമാനം ടിസിഎസ് 2012-ൽ ഏർപ്പെടുത്തിയതാണ്. ഒറ്റ ഇടപാടിൽ രണ്ടുലക്ഷം രൂപയിൽ കൂടുതൽ വന്നാലാണു നികുതി ബാധ്യത.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.