ഉറി ഭീകരാക്രമണം: പരിക്കേറ്റ ഒരു സൈനികൻകൂടി മരിച്ചു
ഉറി ഭീകരാക്രമണം: പരിക്കേറ്റ ഒരു സൈനികൻകൂടി മരിച്ചു
Sunday, September 25, 2016 11:50 AM IST
ശ്രീനഗർ: ഉറി ഭീകരാക്രമണത്തിൽ പരിക്കേറ്റ് ചികിത്സയിലായിരുന്ന ഒരു സൈനികൻകൂടി മരിച്ചു. ഒഡീഷ സ്വദേശിയായ ബിഎസ്എഫ് ജവാൻ പിതാബസ് മാജിയാണ് (30) മരണത്തിനു കീഴടങ്ങിയത്. ഇതോടെ, ഉറി ഭീകരാക്രമണത്തിൽ മരിച്ച സൈനികരുടെ എണ്ണം 19 ആയി. ഗുരുതരമായി പരിക്കേറ്റ് ചികിത്സയിലിരുന്ന മാജി ശനിയാഴ്ച രാത്രിയാണു മരിച്ചത്.

2008ലാണ് മാജി സൈന്യത്തിൽ ചേർന്നത്. ഭാര്യയുടെ ആദ്യപ്രസവത്തോടനുബന്ധിച്ച് അവധിയെടുത്ത് നാട്ടിലേക്കു തിരിക്കാനുള്ള മാജിയുടെ തയാറെടുപ്പിനിടയാണു ഭീകരാക്രമണമുണ്ടായത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.