സല്‍മാനെ തേടി അതിര്‍ത്തിക്കപ്പുറത്തുനിന്നെത്തിയ ആരാധിക അറസ്റില്‍
Saturday, August 1, 2015 12:12 AM IST
ജലന്ധര്‍ (പഞ്ചാബ്): ബോളിവുഡ് സൂപ്പര്‍താരം സല്‍മാന്‍ ഖാനെ കാണാന്‍ അതിര്‍ത്തിക്കപ്പുറത്തുനിന്നെത്തിയ യുവതി പോലീസ് പിടിയിലായി. മതിയായ യാത്രാരേഖകളില്ലാതെ അട്ടാരി അതിര്‍ത്തി കടന്നതിനു പാക്കിസ്ഥാനിലെ കറാച്ചിയില്‍ താമസിക്കുന്ന ചാന്ദാ ഖാന്‍ എന്ന 27 കാരിയാണു സുരക്ഷാസേനയുടെ പിടിയിലായത്.

സിനിമാതാരം സല്‍മാന്‍ ഖാനോടുള്ള ആരാധന മൂത്താണ് ഇന്ത്യയിലെത്തിയതെന്ന് ആദ്യം പറഞ്ഞ യുവതി പിന്നീടു പലതവ ണ നിലപാടു മാറ്റി. മകന്റെ ആരോഗ്യത്തിനായി ഡല്‍ഹിയിലെ ഒരു ദര്‍ഗയില്‍ പ്രാര്‍ഥിക്കുകയാണു ലക്ഷ്യമെന്നു പിന്നീടു പറഞ്ഞ യുവതി ഒടുവില്‍ പറഞ്ഞത് ഇന്ത്യയിലുള്ള അമ്മാവനെ കാണാനാണ് അതിര്‍ത്തി കടന്നതെന്നാണ്.


കറാച്ചിയില്‍ താമസിക്കുന്ന യുവതിയുടെ ഭര്‍ത്താവിന്റെ പേരു സ ല്‍മാന്‍ ഖാന്‍ എന്നാണെന്നു സുരക്ഷാ ഉദ്യോഗസ്ഥര്‍ കണ്െടത്തിയിട്ടുണ്ട്. എന്നാല്‍ കൂടുതല്‍ വിശദാംശങ്ങളോ അവര്‍ എന്തിനാണ് ഇന്ത്യയിലെത്തിയതെന്നോ കണ്െടത്താന്‍ കഴിഞ്ഞിട്ടില്ല.

സല്‍മാന്‍ നായകവേഷത്തിലെത്തുന്ന പുതിയ ചിത്രം ബജ്റംഗി ഭായിജാന്‍ അതിര്‍ത്തിയിലെ മനുഷ്യജീവിതമാണു പ്രതിപാദിക്കുന്നത്. ഇന്ത്യയില്‍ 300 കോടി രൂപയിലധികം ശേഖരിച്ച ചിത്രം പാക്കിസ്ഥാനിലും വന്‍ഹിറ്റിലേക്കു നീങ്ങുകയാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.