കല്‍ക്കരിപ്പാടം ഏറ്റെടുത്തു ലേലം ചെയ്യും
കല്‍ക്കരിപ്പാടം ഏറ്റെടുത്തു ലേലം ചെയ്യും
Tuesday, October 21, 2014 12:12 AM IST
ന്യൂഡല്‍ഹി: സുപ്രീംകോടതി ലൈ സന്‍സ് കാന്‍സല്‍ ചെയ്ത കല്‍ക്കരിപ്പാടങ്ങള്‍ ഏറ്റെടുത്തു ലേലം ചെയ്യാന്‍ ഓര്‍ഡിനന്‍സിനു കേന്ദ്രമന്ത്രിസഭ അംഗീകാരം നല്കി. 1993 മുതല്‍ ലൈസന്‍സ് നല്കിയ 218 കല്‍ക്കരിപ്പാടങ്ങളില്‍ 214 എണ്ണത്തിനാണു സുപ്രീംകോടതി ഉത്തരവുമൂലം പ്രവര്‍ത്തനം നിര്‍ത്തേണ്ടിവരുന്നത്. ഈ പാടങ്ങളും ഇവയില്‍ സ്ഥാപിച്ചിട്ടുള്ള ഉപകരണങ്ങളും കെട്ടിടങ്ങളും മൊത്തമാണു ഗവണ്‍മെന്റ് ഏറ്റെടുക്കുക. അതിനുശേഷം ഇലക്ട്രോണിക് ലേലം നടത്തും.


ലേലത്തുക കല്‍ക്കരിപ്പാടം സ്ഥി തിചെയ്യുന്ന സംസ്ഥാനത്തിനു നല്കും. തെലുങ്കാന, ഛത്തീസ്ഗഡ്, മധ്യപ്രദേശ്, മഹാരാഷ്ട്ര, ജാര്‍ഖ ണ്ഡ്, ഒഡീഷ, ബംഗാള്‍ സംസ്ഥാനങ്ങള്‍ക്കാണു പണം കിട്ടുന്നത്. ലേലത്തില്‍ പാടം വാങ്ങുന്നവര്‍ ആദ്യത്തെ ഉടമകള്‍ മുടക്കിയ തുക 12 ശതമാനം വാര്‍ഷിക പലിശയോടെ നല്കണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.