National News
പരിശോധനയില്‍ വിട്ടുവീഴ്ചയില്ല: ആര്യാടന്‍
പരിശോധനയില്‍ വിട്ടുവീഴ്ചയില്ല: ആര്യാടന്‍
Monday, September 9, 2013 10:52 PM IST
ന്യൂഡല്‍ഹി: സ്വകാര്യ ബസുകളുടെ സ്പീഡ് ഗവര്‍ണര്‍ പരിശോധനയില്‍ വിട്ടുവീഴ്ചയില്ലെന്നു സംസ്ഥാന ഗതാഗത മന്ത്രി ആര്യാടന്‍ മുഹമ്മദ്. ബസ് പണിമുടക്കിനെ കര്‍ശനമായി നേരിടും. ബസ് സമരത്തെ നേരിടാനുള്ള ബദല്‍ നടപടികള്‍ സര്‍ക്കാര്‍ ആലോചിച്ചു തീരുമാനിക്കും. ന്യായമായ എല്ലാ ആവശ്യങ്ങളും സര്‍ക്കാര്‍ പരിഗണിക്കുമെന്നും ആര്യാടന്‍ വ്യക്തമാക്കി.

സര്‍ക്കാരിനെ സംബന്ധിച്ചടത്തോളം ജനങ്ങളുടെ ജീവനാണു വലുത്. അതിനു സംരക്ഷണം നല്‍കേണ്ട ബാധ്യത സര്‍ക്കാരിനുണ്ട്. ബസുകളുടെ മരണപ്പാച്ചില്‍ അവസാനിപ്പിക്കാന്‍ ശക്തമായ നടപടികള്‍ സ്വീകരിക്കും. പുതിയ നിയമങ്ങള്‍ ഒന്നും തന്നെ സര്‍ക്കാര്‍ കൊണ്ടുവന്നിട്ടില്ല. ബസുടമകളുടെ ന്യായമായ ആവശ്യങ്ങളില്‍ ചര്‍ച്ചയ്ക്കു സര്‍ക്കാര്‍ തയാറാണെന്നും ആര്യാടന്‍ കൂട്ടിച്ചേര്‍ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.