ഫേസ് ബുക്ക് പോസ്റിംഗ്: അറസ്റിന് ഉന്നത പോലീസ് ഉദ്യോഗസ്ഥരുടെ അനുമതി വേണം
ന്യൂഡല്‍ഹി: ഫേസ്ബുക്ക് അടക്കമുള്ള സോഷ്യല്‍ നെറ്റ് വര്‍ക്ക് സൈറ്റുകളിലെ പോസ്റിംഗുകളുടെ പേരില്‍ അറസ്റ് ചെയ്യുന്നതിനു ഉന്നത പോലീസ് ഉദ്യോഗസ്ഥരുടെ അനുവാദം തേടണമെന്നു സുപ്രീംകോടതി. ഇക്കാര്യത്തില്‍ കേന്ദ്ര സര്‍ക്കാര്‍ കൊണ്ടുവന്ന മാര്‍ഗ നിര്‍ദേശങ്ങള്‍ കര്‍ശനമായി പാലിക്കണമെന്നും കോടിതി നിര്‍ദേശിച്ചു. ഇതു നടപ്പിലാക്കുന്നുണ്െടന്നു സംസ്ഥാന സര്‍ക്കാരുകള്‍ ഉറപ്പ് വരുത്തണമെന്നും സുപ്രീംകോടതി വ്യക്തമാക്കി.

മെട്രോപോളിറ്റന്‍ നഗരങ്ങളില്‍ ഇന്‍സ്പെക്ടര്‍ ജനറല്‍ ഓഫ് പോലിസില്‍ കുറയാത്ത റാങ്കുള്ള ഒരാള്‍ വേണം അറസ്റിന് അനുമതി കൊടുക്കാന്‍. മറ്റുള്ള സ്ഥലങ്ങളില്‍ തീരുമാനം പറയേണ്ടത് ഡെപ്യുട്ടി കമ്മീഷണറോ എസ്പിയോ ആയിരിക്കണമെന്നും കേന്ദ്ര സര്‍ക്കാര്‍ പുറത്തിറക്കിയ മാര്‍ഗരേഖയില്‍ വ്യക്തമാക്കിയിട്ടുണ്ട്.

സോഷ്യല്‍ നെറ്റ്വര്‍ക്കിംഗ് സൈറ്റുകളില്‍ പോസ്റും കമന്റും ചെയ്തതിന്റെ പേരില്‍ പീഡിപ്പിക്കുന്ന ചില സംസ്ഥാന സര്‍ക്കാറുകളുടെ നടപടികള്‍ ചോദ്യം ചെയ്തുകൊണ്ട് സമര്‍പ്പിച്ച ഹര്‍ജി പരിഗണിക്കുമ്പോഴാണ് കോടതി ഇക്കാര്യം വ്യക്തമാക്കിയത്.


കോണ്‍ഗ്രസ് എംഎല്‍എയ്ക്കെതിരേയും മുന്‍മുഖ്യമന്ത്രി റോസയ്യക്കെതിരേയും ഫേസ്ബുക്കില്‍ കമന്റ് പോസ്റ് ചെയ്തതിന് ആന്ധ്രയില്‍ നിന്നുള്ള മനുഷ്യാവകാശ പ്രവര്‍ത്തകയും അഭിഭാഷകയുമായ ജയ വിന്ദ്യാലയെ അറസ്റ് ചെയ്തതുമായി ബന്ധപ്പെട്ട അപേക്ഷ പരിഗണിച്ചാണ് കോടതിയുടെ നടപടി. ജസ്റീസുമാരായ ബി.എസ്. ചൌഹാനും ദീപക് മിശ്രയുമാണ് കേസ് പരിഗണിച്ചത്. ശിവസേന നേതാവ് ബാല്‍ താക്കറേയുടെ മരണവുമായി ബന്ധപ്പെട്ട ഫേസ്ബുക്ക് അറസ്റിനെ തുടര്‍ന്ന് നിയമ വിദ്യാര്‍ഥിനി ശ്രേയ സിംഗാള്‍ സമര്‍പ്പിച്ച ഹര്‍ജിയും കോടതിയുടെ പരിഗണനയിലുണ്ട്.