Kerala News
ചെ​മ്മ​നം ചാ​ക്കോ അ​ന്ത​രി​ച്ചു
ചെ​മ്മ​നം ചാ​ക്കോ അ​ന്ത​രി​ച്ചു
Wednesday, August 15, 2018 1:49 AM IST
കൊ​ച്ചി: പ്ര​മു​ഖ ക​വി​യും എ​ഴു​ത്തു​കാ​ര​നും അ​ധ്യാ​പ​ക​നു​മാ​യ ചെ​മ്മ​നം ചാ​ക്കോ (92) അ​ന്ത​രി​ച്ചു. വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളെ​ത്തു​ട​ർ​ന്നു ചി​കി​ത്സ​യി​ൽ ക​ഴി​ഞ്ഞി​രു​ന്ന അ​ദ്ദേ​ഹ​ത്തി​ന്‍റെ അ​ന്ത്യം ഇ​ന്ന​ലെ രാ​ത്രി 11.25ന് ​കാ​ക്ക​നാ​ട് പ​ട​മു​ഗ​ൾ പാ​ല​ച്ചോ​ട് റോ​ഡി​ലെ ചെ​മ്മ​നം വീ​ട്ടി​ലാ​യി​രു​ന്നു. സംസ്കാര‌ം ശ​നി​യാ​ഴ്ച വൈ​കു​ന്നേ​രം നാലിന് മു​ള​ക്കു​ളം മ​ണ്ണൂക്കുന്നേൽ സെ​ന്‍റ് മേ​രീ​സ് ഓ​ർ​ത്ത​ഡോ​ക്സ് ക​ത്തീ​ഡ്ര​ലി​ൽ.

കു​റി​ക്കു​കൊ​ള്ളു​ന്ന ആ​ക്ഷേ​പ​ഹാ​സ്യ ക​വി​ത​ക​ളി​ലൂ​ടെ ശ്ര​ദ്ധേ​യ​നാ​യ അ​ദ്ദേ​ഹം 1926 മാ​ർ​ച്ച് ഏ​ഴി​ന് കോ​ട്ട​യം ജി​ല്ല​യി​ൽ വൈ​ക്കം താ​ലൂ​ക്കി​ലെ മു​ള​ക്കു​ള​ത്താ​ണു ജ​നി​ച്ച​ത്. ക​വി​ത, ബാ​ല​സാ​ഹി​ത്യം, ലേ​ഖ​നം തു​ട​ങ്ങി​യ വി​വി​ധ സാ​ഹി​ത്യ സ​ര​ണി​ക​ളി​ലാ​യി അ​ൻ​പ​തി​ലേ​റെ കൃ​തി​ക​ൾ ര​ചി​ച്ചി​ട്ടു​ള്ള ചെ​മ്മ​ന​ത്തി​നു കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ് ഉ​ൾ​പ്പെ​ടെ​യു​ള്ള നി​ര​വ​ധി പു​ര​സ്കാ​ര​ങ്ങ​ളും ല​ഭി​ച്ചി​ട്ടു​ണ്ട്.

പി​റ​വം സെ​ന്‍റ് ജോ​സ​ഫ്സ് ഹൈ​സ്കൂ​ൾ, ആ​ലു​വ യു​സി കോ​ള​ജ്, തി​രു​വ​ന​ന്ത​പു​രം യൂ​ണി​വേ​ഴ്സി​റ്റി കോ​ള​ജ് എ​ന്നി​വി​ട​ങ്ങ​ളി​ൽ പ​ഠി​ച്ച് മ​ല​യാ​ള സാ​ഹി​ത്യ​ത്തി​ലും ഭാ​ഷ​യി​ലും റാ​ങ്കോ​ടെ ഓ​ണേ​ഴ്സ് ബി​രു​ദം നേ​ടി.

പി​റ​വം സെ​ന്‍റ് ജോ​സ​ഫ്സ് ഹൈ​സ്കൂ​ൾ, പാ​ള​യം​കോ​ട്ട സെ​ന്‍റ് ജോ​ണ്‍​സ് കോ​ള​ജ്, തി​രു​വ​ന​ന്ത​പു​രം മാ​ർ ഇ​വാ​നി​യോ​സ് കോ​ള​ജ്, കേ​ര​ള സ​ർ​വ​ക​ലാ​ശാ​ല മ​ല​യാ​ളം വ​കു​പ്പ് എ​ന്നി​വി​ട​ങ്ങ​ളി​ൽ അ​ധ്യാ​പ​ക​നാ​യി​രു​ന്നു. 1968 മു​ത​ൽ 86 വ​രെ കേ​ര​ള​സ​ർ​വ​ക​ലാ​ശാ​ല​യി​ൽ പു​സ്ത​ക പ്ര​സി​ദ്ധീ​ക​ര​ണ വ​കു​പ്പി​ന്‍റെ ഡ​യ​റ​ക്ട​റു​മാ​യും സേ​വ​നം അ​നു​ഷ്ടി​ച്ചു.


നാ​ൽ​പ​തു​ക​ളു​ടെ തു​ട​ക്ക​ത്തി​ൽ സാ​ഹി​ത്യ പ്ര​വ​ർ​ത്ത​നം ആ​രം​ഭി​ച്ച ചെ​മ്മ​ന​ത്തി​ന്‍റെ ആ​ദ്യ​ക​വി​ത പ്ര​വ​ച​നം 1946 ലാ​ണു പ്ര​സി​ദ്ധീ​ക​രി​ച്ച​ത്. 1965 ൽ ​പ്ര​സി​ദ്ധീ​ക​രി​ച്ച ഉ​ൾ​പ്പാ​ർ​ട്ടി യു​ദ്ധം എ​ന്ന ക​വി​ത​യി​ലൂ​ടെ വി​മ​ർ​ശ​ഹാ​സ്യ​മാ​ണു ത​ന്‍റെ ത​ട്ട​ക​മെ​ന്ന് തി​രി​ച്ച​റി​ഞ്ഞ അ​ദ്ദേ​ഹം തു​ട​ർ​ന്നു മ​ല​യാ​ള​ക​വി​ത​യി​ൽ സ്വ​ന്തം ഹാ​സ്യ​സാ​ഹി​ത്യ സാ​മ്രാ​ജ്യം പ​ടു​ത്തു​യ​ർ​ത്തു​ക​യാ​യി​രു​ന്നു. 1967ൽ ​ക​ന​കാ​ക്ഷ​ര​ങ്ങ​ൾ എ​ന്ന ക​വി​താ സ​മാ​ഹാ​രം പ്ര​സി​ദ്ധീ​ക​രി​ച്ച​തോ​ടെ പ്ര​സി​ദ്ധ​നാ​യി. ത​നി​ക്ക് ചു​റ്റും ന​ട​ക്കു​ന്ന സം​ഭ​വ​ങ്ങ​ളെ നേ​രി​ട്ടും ആ​ക്ഷേ​പ​ഹാ​സ്യ ബിം​ബ​ങ്ങ​ളി​ലൂ​ടെ​യും വി​മ​ർ​ശി​ക്കു​ന്ന ശൈ​ലി​യാ​ണു ചെ​മ്മ​ന​ത്തി​ന്‍റേ​ത്.

കേ​ര​ള സാ​ഹി​ത്യ അ​ക്കാ​ദ​മി, ഓ​തേ​ർ​സ് ഗി​ൽ​ഡ് ഓ​ഫ് ഇ​ന്ത്യ, സ​മ​സ്ത കേ​ര​ള സാ​ഹി​ത്യ പ​രി​ഷ​ത്ത്, മ​ല​യാ​ളം ഫി​ലിം സെ​ൻ​സ​ർ ബോ​ർ​ഡ്, കേ​ന്ദ്ര സാ​ഹി​ത്യ അ​ക്കാ​ദ​മി മ​ല​യാ​ളം ഉ​പ​ദേ​ശ​ക ബോ​ർ​ഡ് തു​ട​ങ്ങി​യ​വ​യി​ൽ നി​ർ​വാ​ഹ​ക സ​മി​തി അം​ഗ​മാ​യും പ്ര​വ​ർ​ത്തി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.