റെയിൽവേ ട്രാക്ക് നവീകരണം: ആലുവ-അങ്കമാലി സെക്ഷനിൽ ജൂണ്‍ ഒന്നു വരെ നിയന്ത്രണം : Deepika.com Kerala News |

Click here for detailed news of all items

റെയിൽവേ ട്രാക്ക് നവീകരണം: ആലുവ-അങ്കമാലി സെക്ഷനിൽ ജൂണ്‍ ഒന്നു വരെ നിയന്ത്രണം

Monday, May 21, 2018 1:23 AM IST

തിരുവനന്തപുരം: ആലുവ-അങ്കമാലി സെക്ഷനിൽ ട്രാക്ക് നവീകരണ ജോലികൾ നടക്കുന്നതിനാൽ ജൂണ്‍ ഒന്നു വരെ ട്രെയിൻ ഗതാഗതത്തിനു നിയന്ത്രണം ഏർപ്പെടുത്തിയതായി റെയിൽവേ അറിയിച്ചു. ഇതിന്‍റെ ഭാഗമായി മേയ് 22, 29 തീയതികളൊഴികെയുള്ള ദിവസങ്ങളിൽ ഗുരുവായൂർ-ചെന്നൈ എക്സ്പ്രസ് രണ്ടു മണിക്കൂർ വൈകി മാത്രമേ ഗുരുവായൂർ സ്റ്റേഷനിൽ നിന്നു പുറപ്പെടൂ. മംഗലാപുരം-തിരുവനന്തപുരം എക്സ്പ്രസ് ചാലക്കുടി-ഇരിങ്ങാലക്കുട സെക്ഷനിൽ 90 മിനിറ്റും മധുര-തിരുവനന്തപുരം അമൃത എക്സ്പ്രസ് 40 മിനിറ്റും പിടിച്ചിടും. 24 ന് പാറ്റ്ന-എറണാകുളം എക്സ്പ്രസ്, 27 ന് ഹൈദരാബാദ്-കൊച്ചുവേളി എക്സ്പ്രസ് എന്നീ ട്രെയിനുകൾ കറുകുറ്റി-ചാലക്കുടി സെക്ഷനിൽ 80 മിനിറ്റും ഹസ്രത് നിസാമുദ്ദീൻ-തിരുവനന്തപുരം എക്സ്പ്രസ് ചാലക്കുടിയിൽ 90 മിനിറ്റും പിടിച്ചിടും.

അങ്കമാലി സ്റ്റേഷനിൽ 140 മിനിറ്റ് പിടിച്ചിടുന്ന ട്രെയിനുകൾ: ഭവനഗർ-കൊച്ചുവേളി എക്സ്പ്രസ് (ഇന്നും 28 നും), ബിക്കാനീർ-കൊച്ചുവേളി എക്സ്പ്രസ്(24 ന്), വെരാവൽ-തിരുവനന്തപുരം എക്സ്പ്രസ്(25 ന്), ഗാന്ധിധാം-നാഗർകോവിൽ എക്സ്പ്രസ് (26 ന്), ഓഖ-എറണാകുളം എക്സ്പ്രസ് (27 ന്).

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.