കോട്ടയം: ചങ്ങനാശേരി അതിരൂപത ഫാമിലി അപ്പോസ്റ്റലേറ്റിന്റെയും ജീവൻ ജ്യോതിസ് പ്രോലൈഫ് സെല്ലിന്‍റെയും ആഭിമുഖ്യത്തിൽ വിശുദ്ധ ജിയന്നായുടെ തിരുശേഷിപ്പ് പ്രയാണ സമാപനവും പ്രോലൈഫ് വാരാചരണവും 25ന് സമാപിക്കും. 24നു രാവിലെ 9.30മുതൽ ഉച്ചകഴിഞ്ഞ് 2.30 വരെ ചങ്ങനാശേരി പാറേൽ മരിയൻ തീർഥാടന കേന്ദ്രത്തിൽ അഖണ്ഡ പ്രോലൈഫ് ജപമാലയും വിശുദ്ധ കുർബാനയും ഉണ്ടായിരിക്കും.
ഉച്ചകഴിഞ്ഞ് മൂന്നിനു പാറേൽ പള്ളിയിൽനിന്നും കത്തീഡ്രൽ പള്ളിയിലേക്ക് പ്രോലൈഫ് പരിഹാര റാലി. അതിരൂപത സഹായ മെത്രാൻ മാർ തോമസ് തറയിൽ സന്ദേശം നൽകി ഫ്ളാഗ് ഓഫ് ചെയ്യും. ആർച്ച് ബിഷപ് മാർ ജോസഫ് പെരുന്തോട്ടവും ഫാമിലി അപ്പോസ്റ്റലേറ്റ് ഡയറക്‌ടർമാരായ ഫാ. ജോസ് മുകളേലും ഫാ. ജോസഫ് ഇലഞ്ഞിമറ്റവും റാലി നയിക്കും. റാലി കത്തീഡ്രലിൽ എത്തിച്ചേരുന്പോൾ നടക്കുന്ന പ്രോലൈഫ് മഹാസമ്മേളനത്തിൽ സീറോ മലബാർ സഭാ ഫാമിലി കമ്മീഷൻ ചെയർമാൻ മാർ ജോസ് പുളിക്കൽ ജീവൻദിന സന്ദേശം നൽകും. ആർച്ച്ബിഷപ് മാർ ജോസഫ് പെരുന്തോട്ടം വിശുദ്ധ ജിയന്നയുടെ മധ്യസ്ഥ പ്രാർഥന നടത്തി ആശീർവാദം നൽകും. പ്രോലൈഫ് ദിനമായ 25നു രാവിലെ 9.30നു കത്തീഡ്രൽ ഗ്രൗണ്ടിൽ ഒരുക്കുന്ന അജാത ശിശുക്കളുടെ സ്മാരകം ആർച്ച് ബിഷപ് മാർ ജോസഫ് പെരുന്തോട്ടം ആശീർവദിക്കും.
വാരാചരണത്തിന്‍റെ ഭാഗമായ ഇന്നും നാളെയും കത്തീഡ്രൽ ഹാളിൽ രാവിലെ 9.30മുതൽ വൈകുന്നേരം 4.30വരെ ദ്വിദിന പ്രോലൈഫ് കണ്‍വൻഷൻ. ആർച്ച് ബിഷപ് മാർ ജോസഫ് പെരുന്തോട്ടം, ആർച്ച് ബിഷപ് മാർ ജോസഫ് പവ്വത്തിൽ, മാർ തോമസ് തറയിൽ എന്നിവർ അനുഗ്രഹ പ്രഭാഷണം നടത്തും. വികാരി ജനറാൾമാരായ റവ.ഡോ. ജോസഫ് മുണ്ടകത്തിൽ, റവ.ഡോ. ഫിലിപ്സ് വടക്കേക്കളം എന്നിവർ സന്ദേശം നൽകും.
റവ.ഡോ. ജേക്കബ് കോയിപ്പള്ളി, റവ.ഡോ. ജോസ് കോട്ടയിൽ, ഫാ. ജോസഫ് ഇലഞ്ഞിമറ്റം, ഫാ. റെജി പുലിക്കോട്, ഡോ. ഏബ്രഹാം ജേക്കബ്, ഡോ. സുമ ഗിൽസണ്‍, ജോണ്സണ് പൂവത്തിങ്കൽ എന്നിവർ ക്ലാസുകൾക്ക് നേതൃത്വം നൽകും. പത്രസമ്മേളനത്തിൽ ഫാമിലി അപ്പോസ്റ്റലേറ്റ് ഡയറക്ടർ ഫാ. ജോസ് മുകളേൽ, പ്രോലൈഫ് കോ-ഓർഡിനേറ്റർ ഏബ്രഹാം പുത്തൻകളം, ജനറൽ കണ്‍വീനർ ബൈജു ആലഞ്ചേരി, പിതൃവേദി പ്രസിഡന്‍റ് വർഗീസ് നെല്ലിക്കൽ, റെജി ആഴാംചിറ, പബ്ലിസിറ്റി കണ്‍വീനർ ലാലി ഇളപ്പുങ്കൽ, വർഗീസ് കുടിലിൽ, ജോണ്സി കാട്ടൂർ എന്നിവർ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.