എൽആർസി സെമിനാർ സമാപിച്ചു : Deepika.com Kerala News |

Click here for detailed news of all items

എൽആർസി സെമിനാർ സമാപിച്ചു

Saturday, March 17, 2018 12:44 AM IST

കൊച്ചി: സ്ഥാപനങ്ങൾ സുവിശേഷവത്കരിക്കപ്പെടണമെന്നും സഞ്ചരിക്കുന്ന ക്രിസ്തുവായി ക്രൈസ്തവർ സമൂഹത്തിൽ വ്യാപരിക്കണമെന്നും സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി ആഹ്വാനം ചെയ്തു.

സഭയുടെ ഗവേഷണപഠനവിഭാഗമായ ലിറ്റർജിക്കൽ റിസർച്ച് സെന്‍റർ സംഘടിപ്പിച്ച 55-ാമത് ദ്വിദിന സെമിനാറിന്‍റെ സമാപനസമ്മേളനത്തിൽ സന്ദേശം നൽകുകയായിരുന്നു അദ്ദേഹം. മത്സരത്തിലൂടെ മേധാവിത്വം നേടുകയല്ല വ്യക്തികളും സഭയും സമൂഹവും ചെയ്യേണ്ടത്. പരസ്പരം പങ്കുവച്ച് വളരുവാൻ ഔത്സുക്യം കാണിക്കണമെന്നും മാർ ആലഞ്ചേരി പറഞ്ഞു.

ഡോ. താങ്ക്സി ഫ്രാൻസീസ് തെക്കേക്കര മുഖ്യാതിഥിയായിരുന്നു. എൽആർസി ചെയർമാൻ ബിഷപ് മാർ പോളി കണ്ണൂക്കാടൻ, ബിഷപ് മാർ റെമിജിയൂസ് ഇഞ്ചനാനിയിൽ, കൂരിയ ചാൻസലർ റവ. ഡോ. ആന്‍റണി കൊള്ളന്നൂർ, റവ. ഡോ. ജെയിംസ് പുലിയുറുന്പിൽ, എൽആർസി എക്സിക്യൂട്ടീവ് ഡയറക്ടർ റവ. ഡോ. പീറ്റർ കണ്ണന്പുഴ, റവ. ഡോ. നോബിൾ മണ്ണാറത്ത് എന്നിവർ പ്രസംഗിച്ചു.

"സീറോ-മലബാർ സഭയുടെ വളർച്ചയും നവീകരണവും ഭാവിയിലേക്കുള്ള ദിശാബോധവും'എന്നതായിരുന്നു സെമിനാറിന്‍റെ വിഷയം. ഇന്നലെ റവ. ഡോ. മാർട്ടിൻ കല്ലുങ്കൽ, റവ. ഡോ. ജോസ് കുറിയേടത്ത്, മോണ്‍. ഡോ. ആന്‍റണി നരികുളം, റവ. ഡോ. പോളി മണിയാട്ട്, റവ. ഡോ. ജിഫി മേക്കാട്ടുകുളം, ഡോ. കെ.വി. റീത്താമ്മ, ജോസ് വിതയത്തിൽ, ഡോ. സിസ്റ്റർ മരിയ ആന്‍റോ എന്നിവർ പ്രബന്ധങ്ങൾ അവതരിപ്പിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.