കോട്ടയം: കെന്നൽ ക്ലബിന്റെ ആഭിമുഖ്യത്തിൽ അഖിലേന്ത്യാ ശ്വാനപ്രദർശന മത്സരം ഇന്നു രാവിലെ 10മുതൽ രാത്രി ഏഴു കോട്ടയം നെഹ്റു സ്റ്റേഡിയത്തിൽ നടക്കും. വിവിധ സംസ്ഥാനങ്ങളിൽ നിന്നായി മുപ്പതോളം ഇനത്തിൽപെട്ട 300ലധികം ശ്വാനൻമാർ മത്സരത്തിനെത്തും.പഗി, മിൻപിൻ, ഫോക്സ്, ടെറിയൻ, അക്കിറ്റ, ഫ്രഞ്ച്, ബുൾഡോഗ്, ബീഗിൾ, വിപ്പറ്റ്, വൈമെറയ്നർ, ബോക്സർ, സൈബീരിയൻ ഹസ്കി, ബെൽജിയം,ശെപ്പേർഡ്, സെന്റ് ബെർണാഡ്, റോട്ട് വീലർ, ഡോബർമാൻ തുടങ്ങിയ ഇനത്തിൽപെട്ട നായകളാണു മത്സരത്തിനെത്തുക. രാവിലെ 10നു തിരുവഞ്ചൂർ രാധാകൃഷ്ണൻ പ്രദർശനം ഉദ്ഘാടനം ചെയ്യും. ഇന്റർ നാഷണൽ ജഡ്ജുമാരായ മുകൾ വെയ്ദും അജ്ഞലി വെയ്ദുമാണ് വിധികർത്താക്കൾ.
പൊതുജനങ്ങൾക്കു രാവിലെ 10 മുതൽ പാസുമൂലം പ്രവേശനം ഉണ്ടായിരിക്കും. വൈകുന്നേരം നടക്കുന്ന സമാപന ചടങ്ങിൽ കോട്ടയം മുനിസിപ്പൽ ചെയർപേഴ്സണ് ഡോ. പി.ആർ. സോന സമ്മാനദാനം നിർവഹിക്കും.ശ്വാന പ്രദർശനത്തിൽനിന്നും കിട്ടുന്ന വരുമാനം കോട്ടയം മൃഗാശുപത്രിയുടെ ഉന്നമനത്തിനും നഗരത്തിൽ അലഞ്ഞു നടക്കുന്ന നായകളുടെ പരിരക്ഷയ്ക്കുവേണ്ടിയും ഉപയോഗിക്കും. ഭാവി തലുമുറയെ ഡോഗ് ഷോയിലേക്കു ആകർഷിക്കാൻ 10 വയസു മുതൽ 16 വയസുവരെ പ്രായമുള്ള കുട്ടികളുടെ ജൂണിയർ ഹാൻഡിലിംഗ് മത്സരവും ഉണ്ടായിരിക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.