മാതൃവേദി മഹാസംഗമം ഇരിങ്ങാലക്കുടയിൽ ഇന്നും നാളെയും : Deepika.com Kerala News |

Click here for detailed news of all items

മാതൃവേദി മഹാസംഗമം ഇരിങ്ങാലക്കുടയിൽ ഇന്നും നാളെയും

Thursday, January 18, 2018 1:57 AM IST

ഇരിങ്ങാലക്കുട: അന്തർദേശീയ സീറോ മലബാർ മാതൃവേദിയുടെ മഹാസംഗമം ഇന്നും നാളെയും ഇരിങ്ങാലക്കുട രൂപത പാസ്റ്ററൽ സെന്‍ററായ കല്ലേറ്റുംകര പാക്സിൽ നടത്തും.

ബിഷപ് മാർ പോളി കണ്ണൂക്കാടൻ ഉദ്ഘാടനംചെയ്യും. മാതൃവേദി അന്തർദേശീയ പ്രസിഡന്‍റ് ഡെൽസി ലൂക്കാച്ചൻ അധ്യക്ഷതവഹിക്കും. സീറോ മലബാർ സഭയിലെ 37 രൂപതകളിൽനിന്നുള്ള പ്രതിനിധികളാണ് ദ്വിദിന സമ്മേളനത്തിൽ പങ്കെടുക്കുന്നത്. അന്തർദേശീയ ഡയറക്ടർ റവ.ഡോ. ജോസഫ് കൊച്ചുപറന്പിൽ, തൃശൂർ അതിരൂപത പാസ്റ്ററൽ കൗൺസിൽ സെക്രട്ടറി ഡോ. മേരി റെജീന, മാതൃവേദി ഇരിങ്ങാലക്കുട രൂപത ഡയറക്ടർ ഫാ. വിത്സൻ എലുവത്തിങ്കൽ കൂനൻ എന്നിവർ ക്ലാസെടുക്കും. വിശ്വാസതീക്ഷ്ണതയും മാധ്യമ ജാഗ്രതയും, സമൂഹത്തിന്‍റെയും കുടുംബങ്ങളുടെയും ധാർമിക അടിത്തറ, വിശ്വാസജീവിതം, ആത്മീയ ജാഗ്രത, സ്ത്രീശാക്തീകരണം, നല്ല കുടുംബങ്ങളെ വാർത്തെടുക്കുന്നതിൽ അമ്മമാരുടെ ചുമതല, പരിസ്ഥിതിസംരക്ഷണം, സഭാപഠനങ്ങൾ എന്നിവയെക്കുറിച്ചായിരിക്കും പ്രധാന ചർച്ചകൾ.

ഇരിങ്ങാലക്കുട രൂപത മാതൃവേദി ആതിഥേയത്വം വഹിക്കുന്ന സമ്മേളനത്തിന്‍റെ വിജയത്തിനായി ഡയറക്ടർ ഫാ. വിത്സൻ എലുവത്തിങ്കൽ കൂനൻ, പ്രസിഡന്‍റ് ജാർലി വർഗീസ്, സെക്രട്ടറി റോസ് തോമസ്, ട്രഷറർ ഷാജി യാക്കോബ്, സെനറ്റ് മെംബ ർ റോസിലി പോൾ തട്ടിൽ എന്നിവരുടെ നേതൃത്വത്തിൽ വിപുലമായ കമ്മിറ്റി പ്രവർത്തിക്കുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.