ഓഖി ദുരിതാശ്വാസനിധിയിലേക്കു സംഭാവന ചെയ്യുക: മുഖ്യമന്ത്രി : Deepika.com Kerala News |

Click here for detailed news of all items

ഓഖി ദുരിതാശ്വാസനിധിയിലേക്കു സംഭാവന ചെയ്യുക: മുഖ്യമന്ത്രി

Tuesday, December 12, 2017 2:52 PM IST

തിരുവനന്തപുരം: ഓഖി ചുഴലിക്കാറ്റിൽ ദുരന്തത്തിനിരയായ കുടുംബങ്ങളെ സാമ്പത്തികമായി സഹായിക്കുന്നതിനും അവരെ പുനരധിവസിപ്പിക്കുന്നതിനും മുഖ്യമന്ത്രിയുടെ ദുരിതാശ്വാസ നിധിയിലേക്ക് പരമാവധി സംഭാവന നൽകാൻ സമൂഹത്തിന്‍റെ എല്ലാ മേഖലകളിലുമുള്ളവരോടു മുഖ്യമന്ത്രി പിണറായി വിജയൻ അഭ്യർഥിച്ചു.

കേരളത്തിലെ സർക്കാർ- അർധസർക്കാർ ജീവനക്കാർ, കേന്ദ്ര ജീവനക്കാർ, സർവീസ് സംഘടനകൾ, സ്വകാര്യ സ്ഥാപനങ്ങളിലെ ജീവനക്കാർ, വ്യവസായികൾ, വ്യാപാരികൾ, കലാസാഹിത്യ രംഗത്തുള്ളവർ തുടങ്ങി എല്ലാ മേഖലകളിലുമുള്ളവർ ഈ ജീവകാരുണ്യ സംരംഭത്തിൽ പങ്കാളികളാകണമെന്നു മുഖ്യമന്ത്രി അഭ്യർഥിച്ചു.

മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സംഭാവനകൾ ആദായനികുതിയിൽ 100 ശതമാനം ഇളവിന് അർഹതയുണ്ട്. ചെക്ക് മുഖേനയുള്ള സംഭാവനകൾ പ്രിൻസിപ്പൽ സെക്രട്ടറി (ധനകാര്യം), ട്രഷറർ, മുഖ്യമന്ത്രിയുടെ ദുരിതാശ്വാസനിധി, സെക്രട്ടേറിയറ്റ്, തിരുവനന്തപുരം -1 എന്ന വിലാസത്തിലാണ് അയക്കേണ്ടത്. ബാങ്ക് അക്കൗണ്ടിൽനിന്ന് പണം ഓണ്‍ലൈനായി ട്രാൻസ്ഫർ ചെയ്യുന്നവർ താഴെ ചേർക്കുന്ന അക്കൗണ്ടിലേക്ക് മാറ്റണം.

ബാങ്ക് അക്കൗണ്ട് നമ്പർ: 67319948232. ബാങ്ക്: സ്റ്റേറ്റ് ബാങ്ക് ഓഫ് ഇന്ത്യ. ബ്രാഞ്ച്: സിറ്റി ബ്രാഞ്ച്, തിരുവനന്തപുരം
IFS Code: SBIN0070028

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.