കോട്ടയം: രാഷ്ട്രദീപിക പ്രസിദ്ധീകരണമായ ബിസിനസ് ദീപികയുടെ രജതജൂബിലി ആഘോഷവും ബിസിനസ് അച്ചീവ്മെന്റ് അവാർഡ് സമർപ്പണവും ഇന്നു കുമരകം ബാക് വാട്ടർ റിപ്പിൾസ് റിസോർട്ടിൽ നടക്കും. വൈകുന്നേരം അഞ്ചിനു നടക്കുന്ന പ്രൗഢമായ ചടങ്ങ് ധനമന്ത്രി ടി.എം. തോമസ് ഐസക് ഉദ്ഘാടനംചെയ്യും. ഭക്ഷ്യസിവിൽ സപ്ലൈസ് മന്ത്രി പി. തിലോത്തമൻ അനുമോദനപ്രസംഗം നടത്തും.
വിവിധരംഗങ്ങളിൽ അഭിമാനാർഹമായ മികവുപുലർത്തിയ പ്രഗത്്ഭ സംരംഭകർക്ക് പുരസ്കാരം സമ്മാനിക്കും. ഇന്ത്യ, യുഎഇ, കുവൈറ്റ്, യുകെ എന്നിവിടങ്ങളിൽ സംരഭങ്ങളുള്ള ഫ്യൂഷൻ ഗ്രൂപ്പ് ഓഫ് കന്പനികളുടെ ചെയർമാനും മാനേജിംഗ് ഡയറക്ടറുമായ ഡോ. സോണി സെബാസ്റ്റ്യൻ, രാമപുരം സൂര്യ റിസർച്ച് ആൻഡ് ഇൻഡസ്ട്രീസ് എംഡി എൻ.ജെ. ചെറിയാൻ, പാലാ എലിസബത്ത് ഇന്റർനാഷൽ എംഡി ലൂയിസ് മാത്യു, തെള്ളകം എൽബ ഗ്രൂപ്പ് ഓഫ് കന്പനീസ് എംഡി പി.എസ്. കുര്യാച്ചൻ, ഇലന്തൂർ താഴയിൽ നിധി ലിമിറ്റഡ് എംഡി ജിനോയി ജോണ്, ബംഗളുരൂ ഫ്രഷ് ടു ഹോം സഹസ്ഥാപകനും ചീഫ് ഓപ്പറേറ്റിംഗ് ഓഫീസറുമായ മാത്യു ജോസഫ്, മാഞ്ഞൂർ പാപ്പനംതോട്ടത്തിൽ കണ്സ്ട്രക്ഷൻസ് എംഡി ബ്രൈറ്റ് തോംസണ്, അമേരിക്കൻ ഇലക്ട്രോളിസിസ് എംഡി സിൽജി പൗലോസ്, പാലക്കാട് മലന്പുഴ സിമന്റ്സ് ആൻഡ് കെമിക്കൽസ് എക്സിക്യൂട്ടീവ് ഡയറക്ടർ ജാഫർ സനൽ, എഴുമറ്റൂർ അമൃത്ധാര എംഡി അജയൻ വല്ലൂഴത്തിൽ എന്നിവർക്കാണ് ബിസിനസ് അച്ചീവ്മെന്റ് അവാർഡുകൾ.
പത്രപ്രവർത്തനത്തിൽ 75 അവാർഡുകൾ നേടിയ ദീപിക കോട്ടയം ബ്യൂറോ ചീഫ് റെജി ജോസഫിനെ രാഷ്ട്രദീപിക എക്സലൻസ് ഇൻ ജേർണലിസം അവാർഡ് നൽകി ആദരിക്കും. രാഷ്ട്രദീപിക മാനേജിംഗ് ഡയറക്ടർ റവ.ഡോ. മാണി പുതിയിടം അധ്യക്ഷത വഹിക്കും. ദീപിക ചീഫ് എഡിറ്റർ ഫാ. ബോബി അലക്സ് മണ്ണംപ്ലാക്കൽ ബിസിനസ് ദീപികയുടെ മുന്നേറ്റവഴികൾ അവതരിപ്പിക്കും. ജോസ് കെ. മാണി എംപി, എംഎൽഎമാരായ തിരുവഞ്ചൂർ രാധാകൃഷ്ണൻ, കെ. സുരേഷ് കുറുപ്പ്, രാഷ്ട്രദീപിക എക്സിക്യൂട്ടീവ് ഡയറക്ടർ റവ.ഡോ. റെജി മനയ്ക്കലേട്ട് എന്നിവർ ആശംസകളർപ്പിക്കും. ജനറൽ മാനേജർ (മാർക്കറ്റിംഗ്) കെ.സി. തോമസ് അവാർഡ് ജേതാക്കളെ പരിചയപ്പെടുത്തും. രാഷ്ട്രദീപിക ഡിഎംഡി ഡോ. താർസിസ് ജോസഫ് സ്വാഗതവും ബിസിനസ് ദീപിക എഡിറ്റർ ഇൻ ചാർജ് ജോയി ഫിലിപ്പ് കൃതജ്ഞതയും പറയും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.