സിസ്റ്റർ റാണിമരിയ; വിളംബരറാലി നടത്തി : Deepika.com Kerala News |

Click here for detailed news of all items

സിസ്റ്റർ റാണിമരിയ; വിളംബരറാലി നടത്തി

Sunday, October 22, 2017 11:45 AM IST

പെരുന്പാവൂർ: സിസ്റ്റർ റാണി മരിയയെ വാഴ്ത്തപ്പെട്ട രക്തസാക്ഷിയായി പ്രഖ്യാപിക്കുന്നതിനോടനുബന്ധിച്ചുള്ള ആഘോഷപരിപാടികളുടെ വിളംബരറാലി നടത്തി. സിസ്റ്ററുടെ ജൻമനാടായ പുല്ലുവഴിയിൽ നിന്നാരംഭിച്ച റാലി ഇംഗ്ലീഷ് സത്യദീപം ചീഫ് എഡിറ്റർ റവ.ഡോ. പോൾ തേലക്കാട്ട് ഉദ്ഘാടനം ചെയ്തു. കെസിവൈഎം പുല്ലുവഴി യൂണിറ്റ് പ്രസിഡന്‍റ് ഡെന്നി ജോസഫിനു പതാക കൈമാറിക്കൊണ്ടായിരുന്നു ഉദ്ഘാടനം. പുല്ലുവഴി പള്ളി വികാരി ഫാ.ജോസ് പാറപ്പുറം, ഫാ.ജേക്കബ് നങ്ങേലിമാലി, ഫാ.ജോസ് മാപ്പിളമാട്ടേൽ, ഫാ. ജോണ്‍ വർഗീസ് തടത്തിൽ എന്നിവർ പ്രസംഗിച്ചു.

മുടിക്കരായി വിശുദ്ധ പത്രോസ്, പൗലോസ് ശ്ലീഹൻമാരുടെ ദേവാലയത്തിൽ റാലിക്കു സ്വീകരണം നൽകി. തുടർന്നു വല്ലം ഫൊറോനയിലെ പന്ത്രണ്ടു ദേവാലയങ്ങളിലും റാലിക്കു സ്വീകരണം ഉണ്ടായിരുന്നു. പെരുന്പാവൂർ സെന്‍റ് മേരീസ് പള്ളിയിൽ നടന്ന സമാപന സമ്മേളനം വികാരി ഫാ. കരുവിള മരോട്ടിക്കൽ ഉദ്ഘാടനം ചെയ്തു. വിവിധ ഇടവകകളിലെ സ്വീകരണയോഗങ്ങളിൽ ഷാജി പാറക്കൽ, സാബു പരുത്തികാട്ടിൽ, ജോയ് വെള്ളാഞ്ഞിയിൽ, ജോസ് കാവനമാലിൽ, ബോബി പാറക്കൽ തുടങ്ങിയവർ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.