സ്റ്റേഡിയങ്ങളിൽ സുരക്ഷാ ചുമതല വഹിച്ച കേഡറ്റുകൾക്കു ഫിഫയുടെ പ്രശംസ : Deepika.com Kerala News |

Click here for detailed news of all items

സ്റ്റേഡിയങ്ങളിൽ സുരക്ഷാ ചുമതല വഹിച്ച കേഡറ്റുകൾക്കു ഫിഫയുടെ പ്രശംസ

Saturday, October 21, 2017 12:05 PM IST

കൊച്ചി: കൊച്ചി ആദ്യമായി വേദിയായ ഫിഫ അണ്ടർ 17 ലോകകപ്പ് ഫുട്ബോൾ മത്സരത്തിന്‍റെ പ്രധാന വേദിയുടെയും പരിശീലന മൈതാനങ്ങളുടെയും സുരക്ഷാ ചുമതല വഹിച്ച എൻസിസി, എൻഎസ്എസ് കേഡറ്റുകൾക്കു ഫിഫയുടെ പ്രശംസ.

മത്സരങ്ങൾ തടസംകൂടാതെ നടത്തുന്നതിനും സുരക്ഷ ഉൾപ്പെടെയുള്ള ക്രമീകരണങ്ങൾ ചിട്ടയോടും അച്ചടക്കത്തോടും ചെയ്തതിനും ഫിഫ അധികൃതർ കേഡറ്റുകളെ പ്രശംസിച്ചു.

സ്റ്റേഡിയത്തിനുള്ളിൽ യൂണിഫോം ധരിച്ച പോലീസ് ഉദ്യോഗസ്ഥർ പാടില്ലെന്നു ഫിഫയുടെ നിർദേശമുള്ളതിനാലാണു സിറ്റി പോലീസ് കമ്മീഷണർ എം.പി. ദിനേശിന്‍റെ മേൽനോട്ടത്തിൽ കേഡറ്റുകളെ സ്റ്റേഡിയത്തിനുള്ളിലെ സുരക്ഷാ ക്രമീകരണങ്ങൾക്കായി നിയോഗിച്ചത്.

ഡൽഹിയിൽ പ്രത്യേക പരിശീലനം പൂർത്തിയാക്കിയ ഇവരെ ക്രൈംബ്രാഞ്ച് എസിപി ബിജി ജോർജ്, എസിപി ടി.ആർ. രാജേഷ് എന്നിവരുടെ നിർദേശാനുസരണം സ്റ്റേഡിയങ്ങളിൽ വിന്യസിച്ചു. വിവിധ കോളജുകളിൽ നിന്നായി 330 ഓളം കേഡറ്റുകളാണ് സുരക്ഷാചുമതല നിർവഹിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.