കായികോത്സവം: ഞായറാഴ്ച ഉൾപ്പെടുത്തിയത് പ്രതിഷേധാർഹം- കത്തോലിക്കാ കോൺഗ്രസ് : Deepika.com Kerala News |

Click here for detailed news of all items

കായികോത്സവം: ഞായറാഴ്ച ഉൾപ്പെടുത്തിയത് പ്രതിഷേധാർഹം- കത്തോലിക്കാ കോൺഗ്രസ്

Friday, October 20, 2017 1:09 PM IST

കോട്ടയം: പാലായിൽ സംഘടിപ്പിച്ചിരിക്കുന്ന നാലുദിവസം നീണ്ടുനിൽക്കുന്ന സംസ്ഥാന കായികോത്സവത്തിൽ മുൻ കാലങ്ങളിൽനിന്ന് വ്യത്യസ്തമായി ഞായറാഴ്ച ഉൾപ്പെടുത്തിയത് പ്രതിഷേധാർഹമാണെന്ന് കത്തോലിക്കാ കോൺഗ്രസ്.

കായികോത്സവത്തിൽ പങ്കെടുക്കുന്ന ക്രൈസ്തവ വിദ്യാർഥികൾക്കും അധ്യാപകർക്കും മാതാപിതാക്കൾക്കും അവരുടെ ഞായറാഴ്ചകളിലെ മതപരമായ തിരുകർമങ്ങളിലും പ്രാർഥനകളിലും പങ്കെടുക്കുന്നതിന് വിഘ്നം വരുത്തുന്ന നടപടിയാണിത്.

അധികാരികൾ മതസ്വാതന്ത്ര്യത്തിന് തടസം നിൽക്കുന്ന ഇത്തരം നടപടികളിൽനിന്ന് പിന്മാറണമെന്ന് പ്രസിഡന്‍റ് വി.വി. അഗസ്റ്റിനും ദേശീയ ജനറൽ സെക്രട്ടറി ബിജു പറയന്നിലവും സംയുക്തമായി ആവശ്യപ്പെട്ടു.

സ്കൂൾ മേളകൾ ഞായറാഴ്ച നടത്താനുളള സർക്കാർ തീരുമാനം മതപരമായ കടമകൾ നിറവേറ്റുവാനുളള മത ന്യൂനപക്ഷ അവകാശത്തിൻമേലുളള കടന്നുകയറ്റമാണെന്നും അതുകൊണ്ടു തീരുമാനം ഉടനടി പിൻവലിക്കണമെന്നും കത്തോലിക്ക കോണ്‍ഗ്രസ് സംസ്ഥാന വർക്കിംഗ് കമ്മിറ്റി അംഗം പി.പി.ജോസഫും കോട്ടയത്ത് ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.