എയ്ഡഡ് സ്കൂൾ നിയമനം: ഭിന്നശേഷിക്കാർക്കു മൂന്നു ശതമാനം സംവരണം : Deepika.com Kerala News |

Click here for detailed news of all items

എയ്ഡഡ് സ്കൂൾ നിയമനം: ഭിന്നശേഷിക്കാർക്കു മൂന്നു ശതമാനം സംവരണം

Wednesday, September 20, 2017 11:57 AM IST

തിരുവനന്തപുരം: പൊതുവിദ്യാഭ്യാസ വകുപ്പിനു കീഴിലുള്ള എയ്ഡഡ് സ്കൂളുകളിൽ അധ്യാപക- അനധ്യാപക നിയമനത്തിൽ ശാരീരികമായ വെല്ലുവിളികൾ നേരിടുന്നവർക്കു മൂന്നു ശതമാനം സംവരണം ഏർപ്പെടുത്തുന്നതിന് ഓർഡിനൻസ് പുറപ്പെടുവിക്കാൻ ഗവർണറോടു ശിപാർശ ചെയ്യാൻ മന്ത്രിസഭായോഗം തീരുമാനിച്ചു.

ഇതു സംബന്ധിച്ചു കേരള വിദ്യാഭ്യാസ നിയമത്തിൽ ഭേദഗതി കൊണ്ടുവരുന്നതിനുള്ള കരടു ബിൽ അംഗീകരിച്ചു. സർക്കാർ സ്കൂളുകളിലെ അധ്യാപക- അനധ്യാപക തസ്തികകളിലേക്കു പിഎസ്‌സി നടത്തുന്ന നിയമനങ്ങളിൽ ഇപ്പോൾ ഭിന്നശേഷിക്കാർക്കു മൂന്നു ശതമാനം സംവരണമുണ്ട്. 2008 മുതൽ എല്ലാ സർക്കാർ വകുപ്പുകളിലും ഈ വിഭാഗക്കാർക്ക് 3 ശതമാനം സംവരണം നടപ്പാക്കിയിരുന്നു.

ഭിന്നശേഷിക്കാർക്ക് അനുയോജ്യമാണെന്നു സർക്കാർ കണ്ടെത്തി നൽകുന്ന ഒഴിവുകളിലാണു പിഎസ്‌സി നിയമനം നടത്തുന്നത്. ഇതനുസരിച്ച് 2003- 07 കാലഘട്ടത്തിൽ ഭിന്നശേഷിക്കാർക്ക് അർഹതപ്പെട്ട കുടിശിക ഒഴിവുകൾ, സ്പെഷൽ റിക്രൂട്ട്മെന്‍റിലൂടെ പിന്നീടു നികത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.