ജൂലൈയിലെ ജിഎസ്ടി അടയ്ക്കുന്നതിനുള്ള അവസാന തീയതി നാളെ : Deepika.com Kerala News |

Click here for detailed news of all items

ജൂലൈയിലെ ജിഎസ്ടി അടയ്ക്കുന്നതിനുള്ള അവസാന തീയതി നാളെ

Friday, August 18, 2017 1:00 PM IST

തിരുവനന്തപുരം: ചരക്ക് സേവന നികുതി നിയമ പ്രകാരം ജൂലൈ മാസം അടയ്ക്കേണ്ട ജിഎസ്ടി അടയ്ക്കാൻ നാളെയും കൂടി അവസരമുണ്ടെന്ന് സംസ്ഥാന ചരക്ക് സേവന നികുതി വകുപ്പ് അറിയിച്ചു.

നികുതി അടയ്ക്കാൻ ട്രാൻസിഷണൽ ക്രെഡിറ്റ് ഉപയോഗിക്കത്ത വ്യാപാരികൾ ജിഎസ്ടി ആർ - മൂന്ന് ബി റിട്ടേൺ നികുതിയും 20ന് മുൻപും, ട്രാൻസിഷണൽ ക്രെഡിറ്റ് ഉപയോഗിക്കുന്ന വ്യാപാരികൾ 20ന് മുമ്പ് നികുതിയും ജിഎസ്ടി ആർ- മൂന്ന് ബി റിട്ടേണ്‍ 28ന് മുമ്പും സമർപ്പിക്കണം.

കോമ്പോസിഷൻ നികുതി നിർണയം തെരഞ്ഞെടുത്ത വ്യാപരികൾ ഒഴികെ നികുതി ബാധ്യതയുള്ള എല്ലാ വ്യാപാരികളും ജിഎസ്ടി ആർ- മൂന്ന് ബി റിട്ടേണ്‍ സമർപ്പിക്കണം. ജിഎസ്ടി ആർ - മൂന്ന് ബി റിട്ടേണ്‍ അവസാന തീയതിക്ക് മുൻപ് സമർപ്പിച്ചില്ലെങ്കിൽ ജിഎസ്ടി വകുപ്പ് 47 പ്രകാരം പരമാവധി 5000 പ വരെ ലേറ്റ്ഫീ ഒടുക്കേണ്ടി വരും.
ജിഎസ്ടി ആർ - മൂന്ന് ബി റിട്ടേണിനൊപ്പം നിലവിൽ ഇൻ വോയ്സ് അപ് ലോഡ് ചെയ്യേണ്ട തില്ല. ജൂലൈ മാസത്തിലെ വ്യാപാരവിവരങ്ങൾ സ്വയം നിർണയിച്ച് വ്യാപാരി തന്നെ ജിഎസ്ടി ആർ -മൂന്ന് ബി റിട്ടേണിൽ രേഖപ്പെടുത്തേണ്ടതാണ്. റിട്ടേണ്‍ സമർപ്പിക്കാൻ വ്യാപാരികൾ ചെയ്യേണ്ടത് :
1)നികുതി അടയ്ക്കാൻ ട്രാൻസിഷണൽ ക്രെഡിറ്റ് ഉപയോഗപ്പെടുത്താത്ത വ്യാപാരികൾ ചെയ്യേണ്ട ത്.

നികുതി കണക്കാക്കേണ്ട വിധം.
അടയ്ക്കേണ്ട നികുതി = (ഒൗട്ട്പുട്ട് നികുതി ബാധ്യത + റിവേഴ്സ് ചാർജ് പ്രകാരമുള്ള നികുതി ബാധ്യത) - 2017 ജൂലൈയിൽ ഉപയോഗിക്കുന്ന ഇൻപുട്ട് ടക്സ്
ജൂലൈയിലെ നികുതി ബാധ്യത 20 ന് മുമ്പ് ഇലക്‌ട്രോ ണിക് കാഷ് ലെഡ്ജറിൽ നിക്ഷേപിക്കുക.
20ന് മുൻപ് ജിഎസ്ടി ആർ - മൂന്ന് ബി റിട്ടേണ്‍ സമർപ്പിക്കുക.
2) നികുതി അടയ്ക്കാൻ ട്രാൻസിഷണൽ ക്രെഡിറ്റ് ഉപയോഗപ്പെടുത്തുന്ന വ്യാപാരികൾ ചെയ്യേണ്ടത്.
അടയ്ക്കേണ്ട നികുതി= (ഒൗട്ട്പുട്ട് നികുതി ബാധ്യത + റിവേഴ്സ് ചാർജ് പ്രകാരമുള്ള നികുതി ബാധ്യത) - (ട്രാൻസിഷണൽ ക്രെഡിറ്റ് + 2017 ജൂലൈയിൽ ഉപയോഗിക്കുന്ന ഇൻപുട്ട് ടക്സ്)
ജൂലൈയിലെ നികുതി ബാധ്യത 20 ന് മുൻപ് ഇലക്‌ട്രോണിക് കാഷ് ലെഡ്ജറിൽ നിക്ഷേപിക്കുക.
ജിഎസ്ടി ട്രാൻ-ഒന്ന് ഫോം സമർപ്പിക്കുക (21 മുതൽ വെബ് സൈറ്റിൽ ലഭ്യമാകും.)
ജിഎസ്ടി ആർ - മൂന്ന് ബി റിട്ടേണ്‍ സമർപ്പിക്കുമ്പോൾ നികുതി കണക്ക്കൂട്ടി ക്യാഷ് ലെഡ്ജറിൽ അടച്ചിരിക്കുന്ന തുക കുറവാണെങ്കിൽ 21 മുതൽ ഉള്ളദിവസങ്ങൾക്ക് 18 ശതമാനം പലിശ നൽകണം.
28ന് മുൻപ് ജിഎസ്ടി ആർ - മൂന്ന് ബി റിട്ടേണ്‍ സമർപ്പിക്കുക.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.