ഫീസ് ഇളവിന് അർഹത : Deepika.com Kerala News |

Click here for detailed news of all items

ഫീസ് ഇളവിന് അർഹത

Friday, August 18, 2017 1:00 PM IST

കോട്ടയം: നാഷണൽ ഇൻസ്റ്റിറ്റ്യൂട്ട് ഓഫ് ഓപ്പൺ സ്കൂളിൽ സെക്കൻഡറി, സീനിയർ സെക്കൻഡറി കോഴ്സുകളിൽ പ്രവേശനം നേടുന്ന നെയ്ത്ത് ജോലിയിൽ ഏർപ്പെട്ടിരിക്കുന്ന എസ്‌സി/എസ്ടി/ബിപിഎൽ/സ്ത്രീകൾ, ബിപിഎൽ ഉൾപ്പെടുന്ന ന്യൂനപക്ഷ വിഭാഗത്തിൽപ്പെട്ടവർ/ഭിന്നശേഷി വിഭാഗക്കാർ എന്നിവരും അവരുടെ കുട്ടികളും ഫീസ് നൽകേണ്ടതില്ല. ഇവർക്കു പാഠപുസ്തകങ്ങളും സൗജന്യമാണ്.

ഈ വിഭാഗത്തിൽപ്പെട്ടവർക്ക് ഹാൻഡ്‌ലൂം ആൻഡ് ടെക്സ്റ്റൈൽ വകുപ്പ് നൽകിയിട്ടുള്ള പരിചയപത്രം ഹാജരാക്കി ഈ ആനുകൂല്യം നേടാം. പ്രവേശനത്തിനുള്ള അപേക്ഷ ഓഫ് ലൈനായി സമർപ്പിക്കണം. അപേക്ഷാഫോം എൻഐഒഎസിന്‍റെ www.nios.ac.in എന്ന വെബ്സൈറ്റിലും കൊച്ചിയിൽ പ്രവർത്തിക്കുന് പ്രാദേശിക കേന്ദ്രത്തിലും കേരളത്തിലുടനീളം പ്രവർത്തിക്കുന്ന എൻഐഒഎസിന്‍റെ പഠനകേന്ദ്രങ്ങളിലും ലഭിക്കും. പൂരിപ്പിച്ച അപേക്ഷകൾ പ്രാദേശിക കേന്ദ്രത്തിൽ സെപ്റ്റംബർ 15-വരെ സമർപ്പിക്കാം.

അപേക്ഷയോടൊപ്പം ഹാൻഡ്‌ലൂം ആൻഡ് ടെക്സ്റ്റൈൽ വകുപ്പ് നൽകിയിട്ടുള്ള പരിചയപത്രം കൂടാതെ ജനനത്തീയതി, വിദ്യാഭ്യാസ യോഗ്യത, എസ്‌സി/എസ്‌ടി/ബിപിഎൽ/ഭിന്നശേഷി വിഭാഗങ്ങൾ എന്നിവ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകർപ്പുകളും നൽകണം. ജനനത്തീയതി തെളിയിക്കുന്നതിന്, ജനനത്തീയതി രേഖപ്പെടുത്തിയിട്ടുള്ള ആധാർകാർഡ് സ്വീകാര്യമാണ്. സെക്കൻഡറി കോഴ്സിൽ ചേരുന്നതിന്, വിദ്യാഭ്യാസ യോഗ്യത തെളിയിക്കേണ്ടതില്ല. അപേക്ഷാ ഫോമിൽ ചേർത്തിരിക്കുന്ന സ്വയം സാക്ഷ്യപ്പെടുത്തിയ പ്രസ്താവനയിൽ ഒപ്പ് രേഖപ്പെടുത്തിയാൽ മതി. [email protected] ഫോൺ: 0484-2310032, 2310033. ടോൾഫ്രീ 1800 180 93.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.