ശബരിമലയില്‍ ആചാരലംഘനം; ജയറാമിനെതിരേ റിപ്പോര്‍ട്ട് : Deepika.com Kerala News |

Click here for detailed news of all items

ശബരിമലയില്‍ ആചാരലംഘനം; ജയറാമിനെതിരേ റിപ്പോര്‍ട്ട്

Wednesday, April 26, 2017 1:53 PM IST

തിരുവനന്തപുരം: ശബരിമലയില്‍ ആചാരലംഘനം നടന്നതായി ദേവസ്വം വിജിലന്‍സ്. കൊല്ലത്തെ വ്യവസായി സുനിലിന് എതിരേയും നടൻ ജയറാമിനെതിരേയും ദേവസ്വം വിജിലന്‍സ് റിപ്പോര്‍ട്ട് നൽകി. വിഷു ഉല്‍സവത്തിനായി ശബരിമല നട നേരതത്തേ തുറന്നതും പൂജകള്‍ക്ക് അനുമതി നല്‍കിയതിലും വീഴ്ചയുണ്ടായതായി ദേവസ്വം റിപ്പോര്‍ട്ടില്‍ പറയുന്നു.

ജയറാം സോപാനത്തില്‍ ഇടക്ക വായിച്ചതു ചട്ടം ലംഘിച്ചാണെന്നും റിപ്പോര്‍ട്ടില്‍ ചൂണ്ടിക്കാട്ടുന്നു. ദേവസ്വം മന്ത്രിക്കു സമര്‍പ്പിച്ച റിപ്പോര്‍ട്ടില്‍ തുടര്‍നടപടികള്‍ക്കു ശിപാര്‍ശ ചെയ്തിട്ടുണ്ട്.

വിഷു ഉല്‍സവത്തിനായി ഏപ്രില്‍ പത്തിനു വൈകിട്ടാണു നട തുറക്കാന്‍ നിശ്ചയിച്ചിരുന്നത്. എന്നാല്‍, ഇതു മറികടന്നു ശബരിമല നട അന്നേദിവസം രാവിലെ തുറക്കുകയും വിശേഷാല്‍ പൂജകളുള്‍പ്പെടെ നടത്താന്‍ ഒരാള്‍ക്ക് മാത്രമായി അനുമതി നല്‍കുകയും ചെയ്തു. ശബരിമല എക്‌സിക്യുട്ടീവ് ഓഫീസറുടെ അറിവോടെയാണു വീഴ്ച സംഭവിച്ചത്. കൊല്ലത്തെ വ്യവസായി സുനില്‍ ഈ ദിവസത്തെ പൂജകള്‍ക്കായി നേരത്തെ അനുമതി വാങ്ങിയിരുന്നതായും അന്വേഷണത്തില്‍ തെളിഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.