വിദ്യാഭ്യാസമന്ത്രി എത്തിയില്ല; ചോദ്യപേപ്പർ വിവാദം മന്ത്രിസഭ ചർച്ച ചെയ്തില്ല : Deepika.com Kerala News |

Click here for detailed news of all items

വിദ്യാഭ്യാസമന്ത്രി എത്തിയില്ല; ചോദ്യപേപ്പർ വിവാദം മന്ത്രിസഭ ചർച്ച ചെയ്തില്ല

Wednesday, March 29, 2017 12:53 PM IST

തിരുവനനന്തപുരം: എസ്എസ്എൽസി, ഹയർ സെക്കൻഡറി ചോദ്യപേപ്പർ വിവാദവുമായി ബന്ധപ്പെട്ട കാര്യങ്ങൾ വിദ്യാഭ്യാസ മന്ത്രി സി. രവീന്ദ്രനാഥിന്‍റെ അഭാവത്തിൽ മന്ത്രിസഭ ചർച്ച ചെയ്തില്ല.

ചോദ്യപേപ്പർ ചോർന്നതുമായി ബന്ധപ്പെട്ടുണ്ടായ സമരങ്ങളും പ്രതിപക്ഷ നേതാവ് രമേശ് ചെന്നിത്തലയുടെ സമരവും സർക്കാരിന്‍റെ ശോഭ അൽപം കെടുത്തിയതായി വിമർശനം ഉയർന്നെങ്കിലും ഒരു മരണവുമായി ബന്ധപ്പെട്ടു വിദ്യാഭ്യാസ മന്ത്രി പങ്കെടുക്കാത്ത സാഹചര്യത്തിൽ ചർച്ച ചെയ്തിട്ടു പ്രസക്തിയില്ലെന്നു മുഖ്യമന്ത്രി യോഗത്തിൽ പറഞ്ഞു. തുടർന്ന് അജൻഡയിലെ മറ്റു വിഷയങ്ങളിലേക്കു മന്ത്രിസഭ കടന്നു.

മൂന്നാർ ഭൂമി കൈയേറ്റവുമായി ബന്ധപ്പെട്ടു സിപിഎമ്മിൽ വി.എസ്. അച്യുതാനന്ദനും സിപിഐയും ഉയർത്തിവിട്ട വിവാദങ്ങളും മന്ത്രിസഭയിൽ ചർച്ചയായില്ല. ഇതുമായി ബന്ധപ്പെട്ടു മുഖ്യമന്ത്രി പിണറായി വിജയൻ കഴിഞ്ഞ ദിവസം അവലോകന യോഗം വിളിച്ചു ചില തീരുമാനങ്ങൾ എടുത്ത സാഹചര്യത്തിലാണു ഇക്കാര്യം മന്ത്രിസഭയുടെ പരിഗണനയ്ക്ക് എത്താതിരുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.