മൈനിംഗ് ആൻഡ് ജിയോളജി വകുപ്പിൽ ഇ- പാസ് സംവിധാനം : Deepika.com Kerala News |

Click here for detailed news of all items

മൈനിംഗ് ആൻഡ് ജിയോളജി വകുപ്പിൽ ഇ- പാസ് സംവിധാനം

Tuesday, March 28, 2017 1:11 PM IST

തിരുവനന്തപുരം: ഇ- ഗവേണൻസ് സംരംഭത്തിന്‍റെ ഭാഗമായി മൈനിംഗ് ആൻഡ് ജിയോളജി വകുപ്പ് കേരള ഓണ്‍ലൈൻ മൈനിംഗ് പെർമിറ്റ് അവാർഡിംഗ് സർവീസസ് (കെഒഎംപിഎഎസ്) എന്ന പേരിൽ ഇ- പാസ് പദ്ധതി നടപ്പിലാക്കുന്നു. നിലവിൽ ഖനനാനുമതി ഉളളവർക്കും ഡീലേഴ്സ് ലൈസൻസ് ഉളളവർക്കും പദ്ധതിയുടെ മൂവ്മെന്‍റ് പെർമിറ്റിന് അപേക്ഷിച്ച് ഇ- പാസ് കരസ്ഥമാക്കി പ്രതിമാസ റിട്ടേണ്‍ സമർപ്പിക്കാം. പദ്ധതി ഇ- ട്രഷറിയുമായി സംയോജിപ്പിച്ചിട്ടുളളതിനാൽ അപേക്ഷകർക്ക് ഓണ്‍ലൈനായി പണം അടയ്ക്കുന്നതിനുളള സംവിധാനവും ഒരുക്കിയിട്ടുണ്ട്.

നിലവിലുളള എല്ലാ പെർമിറ്റ്/ ലീസ് ഉടമകളും ഡീലർമാർക്കും മൈനിംഗ് ആൻഡ് ജിയോളജി ജില്ലാ ഓഫീസുമായി ബന്ധപ്പെട്ട് ഓണ്‍ലൈൻ രജിസ്ട്രേഷനുളള നടപടികൾ എത്രയും പെട്ടെന്ന് സ്വീകരിക്കണം. ധാതുക്കൾ കയറ്റുന്ന എല്ലാ വാഹനങ്ങളും കെഒഎംപിഎഎസ് പോർട്ടലിൽwww.portal.dmg.kerala.gov.in സ്വന്തമായോ അക്ഷയ കേന്ദ്രം മുഖേനയോ എൻറോൾ ചെയ്യണം. പോർട്ടലിൽ എൻറോൾ ചെയ്ത വാഹനങ്ങൾക്ക് മാത്രമേ ഇ- പാസ് അനുവദിക്കുകയുളളു.

ഇ-പാസ് കൂടാതെ ഭാവിയിൽ ധാതുക്കൾ വാഹനത്തിൽ നീക്കം ചെയ്യാൻ അനുമതി ഉണ്ടായിരിക്കില്ല. എൻറോൾ ചെയ്യുന്നതിന് ആർസി യുടെ പകർപ്പും ഗുഡ്സ് പെർമിറ്റിന്‍റെ പകർപ്പും സ്കാൻ ചെയ്ത് സമർപ്പിക്കണം. അക്ഷയ കേന്ദ്രം മുഖേന എൻറോൾ ചെയ്യുന്നതിന് സർവീസ് ചാർജായ 40 രൂപ നൽകണം. വാഹനം എൻറോൾ ചെയ്യുന്നതിന് സംബന്ധിച്ചുളള വിവരങ്ങൾ പോർട്ടലിൽ യൂസർ മാന്വൽസ് എന്ന ലിങ്കിൽ ലഭിക്കും. കൂടുതൽ വിവരങ്ങൾക്ക് മൈനിംഗ് ആൻഡ് ജിയോളജി വകുപ്പ് ജില്ലാ ഓഫീസുകളുമായി ബന്ധപ്പെടണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.