പാലാ സെന്‍റ് ജോസഫ്സ് എൻജി. കോളജിൽ ഏകദിന ശില്പശാല : Deepika.com Kerala News |

Click here for detailed news of all items

പാലാ സെന്‍റ് ജോസഫ്സ് എൻജി. കോളജിൽ ഏകദിന ശില്പശാല

Tuesday, March 28, 2017 1:11 PM IST

പാലാ: സെന്‍റ് ജോസഫ്സ് എൻജിനിയറിംഗ് കോളജിൽ മെക്കാനിക്കൽ എൻജിനിയറിംഗ് വിഭാഗത്തിന്‍റെ നേതൃത്വത്തിൽ ഏപ്രിൽ മൂന്നിന് ഏകദിന ശില്പശാല നടത്തും. ശില്പശാലയിൽ മെക്കാനിക്കൽ എൻജിനിയറിംഗിലെ നൂതനഗവേഷണ സാധ്യതകളെക്കുറിച്ച് വിദഗ്ധർ ക്ലാസുകൾ നയിക്കും.

രാവിലെ 9.15 ന് ആരംഭിക്കുന്ന ശില്പശാല കോയന്പത്തൂർ പിഎസ്ജി കോളജ് ഓഫ് ടെക്നോളജിയിലെ പ്രഫസർ പി. കാർത്തികേയൻ ഉദ്ഘാടനം നിർവഹിക്കുകയും തുടർന്ന് ഫ്യൂവൽ സെൽ ടെക്നോളജിയിലെ ഗവേഷണ സാധ്യതകളെക്കുറിച്ചും വരുംകാലങ്ങളിൽ ഓട്ടോമൊബൈൽ മേഖലയിൽ വിപ്ലവങ്ങൾ സൃഷ്ടിച്ചേക്കാവുന്ന തരം ഫ്യൂവൽ സെല്ലുകളുടെ പ്രത്യേകതകളെയും അധിഷ്ഠിതമാക്കി ക്ലാസ് നയിക്കും.

ഉച്ചകഴിഞ്ഞുള്ള ശില്പശാല യിൽ എൻഡിടിയുടെ അനന്തസാധ്യതകളെക്കുറിച്ച് ചെന്നെയിലെ നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യൻ ടെക്നോളജിയിലെ മറൈൻ സെൻസർ സിസ്റ്റംസ് ഗ്രൂപ്പിന്‍റെ തലവനും സീനിയർ സയന്‍റിസ്റ്റുമായ ഡോ. ആർ. ദിൽഷ സംവദിക്കും.
എല്ലാ എൻജിനിയറിംഗ് കോളജുകളിൽ നിന്നുമുള്ള അധ്യാപകർക്കും എംടെക് വിദ്യാർഥികൾക്കും അവസാന വർഷ ബി.ടെക് (മെക്കാനിക്കൽ, ഓട്ടോമൊബൈൽ എൻജിനിയറിംഗ്) വിദ്യാർഥികൾക്കും പങ്കെടുക്കാം. കൂടുതൽ വിവരങ്ങൾക്കും സൗജന്യ രജിസ്ട്രേഷനുമായി കോളജ് വെബ്സൈറ്റ് (www. sjctepalai.ac.in) സന്ദർശിക്കുക. ഫോണ്‍: 9446383525, 9496804539.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.