സ്വകാര്യബസുകൾ 31ന് പണിമുടക്കും : Deepika.com Kerala News |

Click here for detailed news of all items

സ്വകാര്യബസുകൾ 31ന് പണിമുടക്കും

Monday, March 27, 2017 1:25 PM IST

തൃശൂർ: മോട്ടോർവാഹനങ്ങളുടെ ഇൻഷ്വറൻസ് പ്രീമിയം വർധിപ്പിച്ച തീരുമാനം പിൻവലിക്കണമെന്ന് ആവശ്യപ്പെട്ട് 31നു സംസ്ഥാനത്തെ മുഴുവൻ സ്വകാര്യ ബസുകളും സർവീസ് നിർത്തിവയ്ക്കുമെന്നു ബസുടമ സംഘടനകളുടെ സംയുക്ത സമരസമിതി അറിയിച്ചു. നേരത്തെ 30ന് പണിമുടക്കാനായിരുന്നു തീരുമാനം.

എന്നാൽ എസ്എസ്എൽസിയുടെ കണക്കിന്‍റെ പുനർപരീക്ഷ അന്നു നടക്കുന്നതിനാൽ പണിമുടക്ക് പിറ്റേദിവസത്തേക്ക് മാറ്റുകയായിരുന്നു. ഫെബ്രുവരി രണ്ടുമുതൽ നടത്താനിരുന്ന അനിശ്ചിതകാല സമരവുമായി ബന്ധപ്പെട്ട് ജനുവരി 27നു ഗതാഗതമന്ത്രിയുമായി നടത്തിയ ചർച്ചയിൽ നല്കിയ വാഗ്ദാനങ്ങളെതുടർന്ന് സമരം മാറ്റിവച്ചെങ്കിലും ഒരു നടപടിയും സർക്കാർ ഭാഗത്തുനിന്ന് ഉണ്ടായില്ല. വാഗ്ദാനങ്ങൾ നടപ്പാക്കണമെന്ന് ആവശ്യപ്പെട്ട് അനിശ്ചിതകാലത്തേക്ക് സർവീസ് നിർത്തിവയ്ക്കും.

അനിശ്ചിതകാല സമരത്തിന്‍റെ തീയതി ഏപ്രിൽ 18ന് തിരുവനന്തപുരത്തുചേരുന്ന യോഗത്തിൽ തീരുമാനിക്കുമെന്ന് സംസ്ഥാന ഫെഡറേഷൻ ജനറൽ സെക്രട്ടറി ലോറൻസ് ബാബു അറിയിച്ചു.

തൃശൂരിൽ ചേർന്ന ബസുടമ സംഘടനകളുടെ സംയുക്ത സമരസമിതി യോഗത്തിൽ ടി. ഗോപിനാഥ്, ടി.ജെ. രാജു, ജോണ്‍സണ്‍ പടമാടൻ, നൗഷാദ് ആറ്റുപറന്പത്ത്, ജോസ് കുഴുപ്പിൽ, എ.ഐ. ഷംസുദീൻ, എം.കെ. ബാബുരാജ്, ആന്‍റോ ഫ്രാൻസിസ്, ഹംസ ഏരിക്കുന്നൻ തുടങ്ങിയവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.