എം. ജയചന്ദ്രന് സ്വാമി പുരസ്കാരം : Deepika.com Kerala News |

Click here for detailed news of all items

എം. ജയചന്ദ്രന് സ്വാമി പുരസ്കാരം

Monday, March 27, 2017 12:49 PM IST

കൊച്ചി: ദക്ഷിണാമൂർത്തി സ്വാമിയുടെ സ്മരണാർഥം ആലപ്പി ബീച്ച് ക്ലബ് (എബിസി) ഏർപ്പെടുത്തിയ സ്വാമി പുരസ്കാരത്തിന് സംഗീത സംവിധായകൻ എം. ജയചന്ദ്രൻ അർഹനായി. എറണാകുളം പ്രസ് ക്ലബിൽ നടത്തിയ പത്രസമ്മേളനത്തിൽ സംഗീത സംവിധായകരായ ബേണിയും ബിജിപാലും ഗോപി സുന്ദറും ചേർന്നാണ് പുരസ്കാരം പ്രഖ്യാപിച്ചത്.

ശില്പി അജയൻ വി. കാട്ടുങ്കൽ രൂപകല്പന ചെയ്ത ശില്പവും 55,555 രൂപയും അടങ്ങുന്നതാണ് പുരസ്കാരം. ബേണി, ഇഗ്നേഷ്യസ്, ദീപക് ദേവ്, ഗോപി സുന്ദർ, ബിജിപാൽ എന്നിവരടങ്ങിയ ജൂറിയാണ് പുരസ്കാര ജേതാവിനെ തെരഞ്ഞെടുത്തത്. ഏപ്രിൽ രണ്ടിന് വൈകുന്നേരം അഞ്ചിന് ആലപ്പുഴ ഇഎംഎസ് സ്റ്റേഡിയത്തിൽ നടക്കുന്ന മെഗാ സംഗീത സന്ധ്യയായ കണ്ണൻ സ്മൃതിയിൽ, മന്ത്രി ടി.എം. തോമസ് ഐസക് പുരസ്കാരം നല്കും. മന്ത്രിമാരായ ജി. സുധാകരൻ, പി. തിലോത്തമൻ, പ്രതിപക്ഷ നേതാവ് രമേശ് ചെന്നിത്തല, കെ.സി. വേണുഗോപാൽ എംപി തുടങ്ങിയവർ പങ്കെടുക്കും. കണ്ണൻ സ്മൃതി സംഗീത പരിപാടിയുടെ കോ-ഓർഡിനേറ്റർ ജോസി ആലപ്പി, ഒ.കെ. ഷെഫീക്ക്, രാജേഷ് ചാത്തനേഴത്ത് എന്നിവരും പത്രസമ്മേളനത്തിൽ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.