റബർബോർഡിന്‍റെ കണക്ക് വിചിത്രം: ഇൻഫാം : Deepika.com Kerala News |

Click here for detailed news of all items

റബർബോർഡിന്‍റെ കണക്ക് വിചിത്രം: ഇൻഫാം

Saturday, March 25, 2017 12:20 PM IST

കോട്ടയം: റബറിന്‍റെ കയറ്റുമതി കുത്തനെ ഉയർന്നുവെന്നും ഉത്പാദനം കൂടിയെന്നുമുള്ള റബർ ബോർഡിന്‍റെ കണക്കുകൾ വിചിത്രമാണെന്നു ഇൻഫാം ദേശീയ സെക്രട്ടറി ജനറൽ ഷെവ. വി.സി. സെബാസ്റ്റ്യൻ.

രാജ്യാന്തര മാർക്കറ്റിനേക്കാൾ കിലോഗ്രാമിന് ശരാശരി 44 രൂപ കുറച്ച് കർഷകരിൽനിന്നു റബർ വാങ്ങി കയറ്റുമതി ചെയ്തു വൻ നേട്ടമുണ്ടാക്കിയതു വൻകിട വ്യാപാരികളും കന്പനികളുമാണ്. ഉത്പാദനം വർധിച്ചിട്ടുണ്ടെങ്കിൽ അതിന്‍റെ പ്രധാന കാരണം സംസ്ഥാന സർക്കാരിന്‍റെ വിലസ്ഥിരതാ പദ്ധതിയും ടാപ്പിംഗിന് അനുകൂലമായ കാലാവസ്ഥയുമാണ്. റബർ കർഷകരുടെ പ്രതിസന്ധിയിൽ സഹായമേകാൻ കേന്ദ്രസർക്കാരിനോ കർഷകർക്കായി എന്തെങ്കിലും നേടിയെടുക്കാൻ ബോർഡിനോ സാധിച്ചിട്ടില്ല.

ഉദ്യോഗസ്ഥരുടെ ശന്പളത്തിനും നിത്യചെലവിനുമുള്ള 142 കോടി മാത്രമാണു കഴിഞ്ഞ കേന്ദ്രബജറ്റിൽ പോലും പ്രഖ്യാപിച്ചത്. കർഷകർക്കു ലഭിക്കേണ്ട ആവർത്തനകൃഷി സബ്സിഡി മുടങ്ങിയിട്ടു നാളുകളേറെയായി. 206 രൂപവരെ ഒരു കിലോഗ്രാം റബറിനു രാജ്യാന്തരവില ഉയർന്നിട്ടും പരമാവധി 162 രൂപയ്ക്കു താഴെ മാത്രമേ ആഭ്യന്തര വിപണിയിൽ വ്യാപാരം നടന്നിട്ടുള്ളൂ. രാജ്യാന്തരവില പോലും കർഷകനു വൻകിട വ്യാപാരികൾ നിഷേധിച്ചതിന്‍റെ പിന്നിൽ റബർ ബോർഡാണെന്നു സംശയിക്കേണ്ടിയിരിക്കുന്നെന്നും സെബാസ്റ്റ്യൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.