ഫാ. കുര്യാക്കോസ് മാന്പിള്ളി അന്തരിച്ചു : Deepika.com Kerala News |

Click here for detailed news of all items

ഫാ. കുര്യാക്കോസ് മാന്പിള്ളി അന്തരിച്ചു

Friday, March 24, 2017 2:15 PM IST

കൊച്ചി: എറണാകുളം -അങ്കമാലി അതിരൂപതാംഗവും സാമൂഹ്യസേവന സംരംഭമായ സേവാശ്രമിന്‍റെ സ്ഥാപകനുമായ ഫാ. കുര്യാക്കോസ് മാന്പിള്ളി (65) നിര്യാതനായി. സംസ്കാരം ഇന്നുച്ചകഴിഞ്ഞു രണ്ടിനു ഞാറയ്ക്കൽ സെന്‍റ് മേരീസ് പള്ളിയിൽ മെത്രാന്മാരുടെ കാർമികത്വത്തിൽ നടക്കും. ഏറെക്കാലമായി രോഗം മൂലം ചികിത്സയിലായിരുന്ന ഇദ്ദേഹത്തിന്‍റെ നിര്യാണം ഇന്നലെ പുലർച്ചെ നാലിന് അങ്കമാലി എൽഎഫ് ആശുപത്രിയിലായിരുന്നു. ഞാറയ്ക്കൽ മാന്പിള്ളി പരേതരായ എം.ഒ. ജോസഫിന്‍റെയും ഏലിക്കുട്ടിയുടെയും മകനായി 1951 ഡിസംബർ 15 നാണു ജനനം. 1967 ൽ വൈദികപരിശീലനം ആരംഭിച്ചു. 1976 ഒക്ടോബർ 27 ന് കർദിനാൾ മാർ ജോസഫ് പാറേക്കാട്ടിലിൽനിന്നു പൗരോഹിത്യം സ്വീകരിച്ചു.

തിരുമുടിക്കുന്ന്, യോർദനാപുരം, മഞ്ഞപ്ര പള്ളികളിൽ സഹവികാരിയായും കാരണക്കോടം, പീച്ചാനിക്കാട് പള്ളികളിൽ വികാരിയായും സേവനം ചെയ്തു. 1982ൽ അതിരൂപതയുടെ സാമൂഹ്യസേവന വിഭാഗമായ സോഷ്യൽ സർവീസസിന്‍റെ ഡയറക്ടറായി. സേവ് എ ഫാമിലി പ്ലാൻ ഓഫ് ഇന്ത്യയുടെ എക്സിക്യൂട്ടീവ് ഡയറക്ടർ, ഐശ്വര്യഗ്രാം ഡയറക്ടർ, പിഡിഡിപി സെൻട്രൽ സൊസൈറ്റി വൈസ് ചെയർമാൻ, ചെയർമാൻ എന്നീ നിലകളിൽ സേവനം ചെയ്തു. 1995 മുതൽ അങ്കമാലി മങ്ങാട്ടുകരയിലെ സേവാശ്രമത്തിന്‍റെ സ്ഥാപക ഡയറക്ടറായി സേവനം ചെയ്തുവരികയായിരുന്നു. സഹോദരങ്ങൾ: മേരി, ഗ്രേസി, ജോർജ്, ജോസ്, പോൾ, ജോണ്‍, ജാൻസി, സിസ്റ്റർ ഗ്രേസ് സിഎംസി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.