മിഷേലിനെ കാണാതായ ദിവസം ക്രോണിൻ ഛത്തീസ്ഗഡിൽ ഉണ്ടായിരുന്നതായി ക്രൈംബ്രാഞ്ച് : Deepika.com Kerala News |

Click here for detailed news of all items

മിഷേലിനെ കാണാതായ ദിവസം ക്രോണിൻ ഛത്തീസ്ഗഡിൽ ഉണ്ടായിരുന്നതായി ക്രൈംബ്രാഞ്ച്

Thursday, March 23, 2017 2:01 PM IST

കൊച്ചി: സിഎ വിദ്യാർഥിനി മിഷേൽ ഷാജിയെ കാണാതായ മാർച്ച് അഞ്ചിനും തൊട്ടടുത്ത ദിവസങ്ങളിലും ക്രോണിൻ അലക്സാണ്ടർ ഛത്തീസ്ഗഡിൽ ഉണ്ടായിരുന്നതായി ക്രൈം ബ്രാഞ്ച് സംഘം സ്ഥിരീകരിച്ചു. ക്രോണിന്‍റെ ഛത്തീസ്ഗഡിലെ താമസസ്ഥലത്തും ജോലി സ്ഥലത്തും എത്തിയ സംഘം ഇയാൾ ഉപയോഗിച്ച കംപ്യൂട്ടർ പരിശോധിക്കുകയും സഹപ്രവർത്തകരിൽനിന്ന് വിവരങ്ങൾ ചോദിച്ചറിയുകയും ചെയ്തു.

തെളിവെടുപ്പിനുശേഷം സംഘം ചത്തീസ്ഗഡിൽ നിന്ന് കൊച്ചിയിലേക്ക് യാത്ര തിരിച്ചു. കസ്റ്റഡിയിലുള്ള ക്രോണിനെ ഇന്നലെ പിറവം പാലച്ചുവട് ഇടപ്പിള്ളിച്ചിറയിലുള്ള വീട്ടിലെത്തിച്ച് തെളിവെടുത്തു.

ഇയാൾ നശിപ്പിച്ച ഫോണ്‍ സംഭാഷണങ്ങളുടെയും സന്ദേശങ്ങളുടെയും ശാസ്ത്രീയ പരിശോധന തിരുവനന്തപുരത്തെ ഫോറൻസിക് ലാബിൽ പുരോഗമിക്കുകയാണ്.
മിഷേലിനു ക്രോണിൻ അയച്ച സന്ദേശങ്ങൾ എന്തൊക്കെയാണെന്ന് ശാസ്ത്രീയ പരിശോധനയിൽ വ്യക്തമാകുന്നതോടെ മിഷേലിന്‍റെ ആത്മഹത്യയുടെ കാരണം സംബന്ധിച്ച് വ്യക്തത വരുമെന്നാണ് ക്രൈംബ്രാഞ്ച് പ്രതീക്ഷിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.