പ്രവേശനപ്രശ്നം പരിഹരിക്കും: ജസ്റ്റീസ് ദിനേശൻ കമ്മീഷൻ : Deepika.com Kerala News |

Click here for detailed news of all items

പ്രവേശനപ്രശ്നം പരിഹരിക്കും: ജസ്റ്റീസ് ദിനേശൻ കമ്മീഷൻ

Thursday, March 23, 2017 12:14 PM IST

കൊച്ചി: മറ്റക്കര ടോംസ് കോളജിലെ വിദ്യാർഥികളുടെ പ്രവേശനപ്രശ്നം അടിയന്തര പ്രാധാന്യത്തോടെ പരിഹരിക്കുമെന്ന് ജസ്റ്റീസ് കെ. .കെ. ദിനേശൻ കമ്മീഷൻ. സ്വാശ്രയ വിദ്യാഭ്യാസ സ്ഥാപനങ്ങളുമായി ബന്ധപ്പെട്ട പ്രശ്നങ്ങൾക്ക് പരിഹാരം കാണുന്നതിന് നിയോഗിച്ചിട്ടുള്ള കമ്മീഷൻ ഇന്നലെ എറണാകുളം ഗസ്റ്റ് ഹൗസിൽ നടത്തിയ സിറ്റിംഗിലാണ് ഇക്കാര്യം അറിയിച്ചത്.

ടോംസ് കോളജിലെ വിദ്യാർഥികളുടെ പ്രവേശന കാര്യങ്ങളെക്കുറിച്ച് കലാം ടെക്നോളജിക്കൽ യൂണിവേഴ്സിറ്റി (കെടിയു) അധികൃതരുമായി സംസാരിച്ചതായും ഈ സർവകലാശാലയുടെ കീഴിലുള്ള വിവിധ കോളജുകളിൽ വിദ്യാർഥികൾക്ക് പ്രവേശനം ലഭ്യമാക്കുന്നതിനുള്ള നടപടികൾ സ്വീകരിക്കാമെന്ന് ഉറപ്പു നല്കിയതായും രക്ഷകർത്തൃ സംഘടനയായ ആക്‌ഷൻ കൗണ്‍സിൽ ഭാരവാഹി ബോബി വർഗീസ് കമ്മീഷനെ അറിയിച്ചു.
രാവിലെ നടന്ന സിറ്റിംഗിൽ എംജി സർവകലാശാല അഫിലിയേഷൻ വിഭാഗത്തിലെ ഡെപ്യൂട്ടി രജിസ്ട്രാർ, ജോയിന്‍റ് രജിസ്ട്രാർ, അസിസ്റ്റന്‍റ് രജിസ്ട്രാർ, സെക്‌ഷൻ ഓഫീസർ, അസിസ്റ്റന്‍റ് സെക്‌ഷൻ ഓഫീസർ എന്നിവർ ഹാജരായി.

വിവിധ കോളജുകൾക്ക് സർവകലാശാല അംഗീകാരം നല്കുന്നതിന്‍റെ അടിസ്ഥാനം, നിബന്ധനകൾ, പരിമിതികൾ, തുടങ്ങിയ കാര്യങ്ങൾ ഉദ്യോഗസ്ഥരോട് കമ്മീഷൻ ചോദിച്ചറിഞ്ഞു. കമ്മീഷൻ അംഗങ്ങളായ ഡോ.കെ.കെ.എൻ കുറുപ്പ്, ഡോ.ആർ.വി.ജി. മേനോൻ എന്നിവരും സിറ്റിംഗിൽ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.