നഴ്സുമാരുടെ ദുരിതകഥ പറയുന്ന ടേക്ക് ഓഫിന് ആശംസയുമായി ഉമ്മൻ ചാണ്ടി : Deepika.com Kerala News |

Click here for detailed news of all items

നഴ്സുമാരുടെ ദുരിതകഥ പറയുന്ന ടേക്ക് ഓഫിന് ആശംസയുമായി ഉമ്മൻ ചാണ്ടി

Monday, March 20, 2017 2:10 PM IST

കോട്ടയം: ഇറാക്കിലെ മലയാളി നഴ്സുമാരുടെ ദുരിതകഥ പറയുന്ന മഹേഷ് നാരായണൻ ചിത്രം ടേക്ക് ഓഫിന് ആശംസയുമായി മുൻ മുഖ്യമന്ത്രി ഉമ്മൻ ചാണ്ടി. യുഡിഎഫ് സർക്കാരിന്‍റെ കാലത്തു നേരിട്ട ഏറ്റവും വലിയ വെല്ലുവിളി വെള്ളിത്തിരയിലേക്കു പകർത്തുന്പോൾ വൻ വിജയമാകുമെന്നു പ്രതീക്ഷിക്കുന്നതായി ഉമ്മൻ ചാണ്ടി ഫേസ്ബുക്കിൽ കുറിച്ചു.

ഇറാക്കിലെ ഭീകരാക്രമണങ്ങളുടെ മധ്യത്തിൽനിന്നു മലയാളി നഴ്സുമാരെ സുരക്ഷിതമായി നാട്ടിൽ എത്തിക്കുക എന്നത് കഴിഞ്ഞ യുഡിഎഫ് സർക്കാരിന്‍റെ ഏറ്റവും വലിയ വെല്ലുവിളികളിൽ ഒന്നായിരുന്നു. എന്തും ചെയ്യുവാൻ മടിക്കാത്ത ഭീകരരിൽനിന്നു മലയാളി നഴ്സുമാരെ ഒരു പോറൽ പോലും ഏൽക്കാതെ നാട്ടിൽ എത്തിച്ചപ്പോൾ മാത്രമാണ് എല്ലാവർക്കും ആശ്വാസമായത്. ഈ സംഭവം ചിത്രീകരിക്കുന്ന "ടേക്ക് ഓഫ്’ സിനിമ, ഭീകരതയ്ക്കെതിരേ മനുഷ്യസ്നേഹത്തിന്‍റെയും സമാധാനത്തിന്‍റെയും സന്ദേശമാകുമെന്നു പ്രതീക്ഷിക്കുന്നു ഉമ്മൻ ചാണ്ടി ഫേസ്ബുക്കിൽ കുറിച്ചു. ചിത്രത്തിന്‍റെ ട്രെയിലറും അദ്ദേഹം പോസ്റ്റ് ചെയ്തിട്ടുണ്ട്.

ഇറാക്കിലെ മലയാളി നഴ്സുമാരുടെ ദുരിതകഥ പറയുന്ന ടേക്ക് ഓഫ് 24നാണ് റിലീസ് ചെയ്യുന്നത്. ഇറാക്കിലെ ആശുപത്രികളിലെ മലയാളി നഴ്സുമാരുടെ ജീവിതവും ഭീകരരുടെ തേർവാഴ്ചയുമാണു ചിത്രത്തിൽ പരാമർശിക്കുന്നത്. ആന്‍റോ ജോസഫ് ഫിലിം കന്പനിയുടെയും രാജേഷ് പിള്ള ഫിലിംസിന്‍റെയും ബാനറിൽ ആന്‍റോ ജോസഫും ഷെബിൻ ബക്കറും ചേർന്നാണ് ചിത്രം നിർമിക്കുന്നത്. എറണാകുളം, ദുബായ്, ബാഗ്ദാദ് എന്നിവിടങ്ങളായിരുന്നു പ്രധാന ലൊക്കേഷനുകൾ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.