സ്ത്രീസ്വാതന്ത്ര്യത്തിനായി ശബ്‌ദമുയർത്തണം: വൃന്ദ : Deepika.com Kerala News |

Click here for detailed news of all items

സ്ത്രീസ്വാതന്ത്ര്യത്തിനായി ശബ്‌ദമുയർത്തണം: വൃന്ദ

Sunday, March 19, 2017 1:22 PM IST

അഗളി: സ്ത്രീ സ്വാതന്ത്ര്യനിഷേധത്തിനെതിരേ ദൈന്യത തോന്നാനുള്ള അവസരമല്ല, ശബ്ദമുയർത്താനുള്ള സമയമാണിതെന്നു ദേശീയ സാമൂഹിക-രാഷ്‌ട്രീയ നേതാവ് വൃന്ദ കാരാട്ട്. അട്ടപ്പാടി കില ഓഡിറ്റോറിയത്തിൽ അട്ടപ്പാടി സമഗ്ര ആദിവാസി വികസന പദ്ധതി, കുടുംബശ്രീ, ജെൻഡർ റിസോഴ്സ് സെന്‍റർ ഉദ്ഘാടനവും വനിതാദിനാഘോഷവും ഉദ്ഘാടനം ചെയ്യുകയായിരുന്നു അവർ.

വികസനം പൂർണമായി തീരുമാനിക്കാൻ ആദിവാസികൾക്ക് അവസരമുണ്ടാകണം. ആദിവാസി യുവതികൾ പറയുന്ന കാര്യം ഉദ്യോഗസ്ഥർ ചെവികൊള്ളണം. സ്ത്രീകൾക്ക് ആധുനിക സംസ്കാരം വാർത്തെടുക്കാൻ കഴിയണം. 8,000 ആദിവാസി അയൽകൂട്ടങ്ങളിലൂടെ ഒന്നരകോടി നിക്ഷേപം സമാഹരിച്ചതു രാജ്യത്തെ റിക്കാർഡാണ്.

കുടുംബശ്രീ മുഖാന്തിരം അട്ടപ്പാടിയിലെ 192 ഉൗരുകളിലും കമ്യൂണിറ്റി കിച്ചണ്‍ പ്രവർത്തിക്കുന്നതു പ്രശംസനീയാണെന്നും അവർ പറഞ്ഞു. അട്ടപ്പാടിയിലെ മാമണ ഉൗരിൽ അവർ സന്ദർശനം നടത്തി. ആദിവാസികൾ പരമ്പരാഗത രീതിയിൽ തയാറാക്കിയ ഭക്ഷണവും കഴിച്ചാണു വൃന്ദ മടങ്ങിയത്.

കില ഓഡിറ്റോറിയത്തിൽ നടന്ന ചടങ്ങിൽ എൻ. ഷംസുദീൻ എംഎൽഎ അധ്യക്ഷതവഹിച്ചു. കുടുംബശ്രീ ഷോളയൂർ പഞ്ചായത്ത് സമിതി പ്രസിഡന്‍റ് മരുതി, സെക്രട്ടറി മോഹന, കുടുംബശ്രീ പുതൂർ പഞ്ചായത്ത് സമിതി സെക്രട്ടറി രാധ എന്നിവർ വിഷയങ്ങളവതരിപ്പിച്ചു.

ഗ്രാമപഞ്ചായത്ത് പ്രസിഡന്‍റ് ശ്രീലക്ഷ്മി ശ്രീകുമാർ, പാലക്കാട് ഡിഎംസി സൈതലവി എന്നിവർ പ്രസംഗിച്ചു. എൻ.ആർ.എൽ.എ ചീഫ് ഓപ്പറേറ്റിംഗ് ഓഫീസറും കുടുംബശ്രീ അട്ടപ്പാടി സ്പെഷൽ പ്രോജക്ട് ഓഫീസറുമായ ഡോ. സീമ ഭാസ്കർ സ്വാഗതവും കുടുംബശ്രീ ബ്ലോക്ക് സമിതി സെക്രട്ടറി ഗിരിജ നന്ദിയും പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.