ഫെമിലിയ 2017 ആഘോഷിച്ചു : Deepika.com Kerala News |

Click here for detailed news of all items

ഫെമിലിയ 2017 ആഘോഷിച്ചു

Sunday, February 26, 2017 12:45 PM IST

കൊച്ചി: എറണാകുളം - അങ്കമാലി അതിരൂപത കോർപറേറ്റ് എജ്യൂക്കേഷണൽ ഏജൻസിയുടെ കോർപറേറ്റ് ദിനാഘോഷം - ഫെമിലിയ 2017 കലൂർ റിന്യുവൽ സെന്‍ററിൽ സീറോ മലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്തു.

അതിരൂപത സഹായമെത്രാൻ മാർ സെബാസ്റ്റ്യൻ എടയന്ത്രത്ത് അധ്യക്ഷത വഹിച്ചു. അതിരൂപതയുടെ കോർപറേറ്റ് ഏജൻസിക്കു കീഴിൽ വരുന്ന സ്കൂളുകൾക്കും അധ്യാപകർക്കും അനധ്യാപകർക്കും ചടങ്ങിൽ വിവിധ അവാർഡുകൾ വിതരണം ചെയ്തു.
എൽപി വിഭാഗത്തിൽ പള്ളിപ്പുറം സെന്‍റ് മേരീസ് എൽപിഎസും യുപി വിഭാഗത്തിൽ വെസ്റ്റ് ചേരാനെല്ലൂർ സെന്‍റ് മേരീസ് യുപിഎസും ഹൈസ്കൂൾ - ഹയർസെക്കൻഡറി വിഭാഗത്തിൽ വടയാർ ഇൻഫന്‍റ് ജീസസ് സ്കൂളും അവാർഡിന് അർഹരായി. മികച്ച അധ്യാപകർക്കുള്ള എൽപി - യുപി വിഭാഗത്തിലെ അവാർഡിന് പള്ളിപ്പുറം സെന്‍റ് മേരീസ് എൽപി സ്കൂളിലെ എ.വി കുഞ്ഞുമോളും ഹൈസ്കൂൾ - ഹയർസെക്കൻഡറി വിഭാഗത്തിൽ ആലുവ സെന്‍റ് മേരീസ് ഹൈസ്കൂളിലെ ജോസ് പോളും അർഹരായി. അനധ്യാപക വിഭാഗം അവാർഡ് എറണാകുളം സെന്‍റ് അഗസ്റ്റിൻ ഹൈസ്കൂളിലെ ജോർജ് പോളിനാണ്. അതിരൂപത സഹായ മെത്രാൻ മാർ ജോസ് പുത്തൻവീട്ടിൽ മുഖ്യപ്രഭാഷണം നടത്തി. കോർപറേറ്റ് മാനേജർ റവ.ഡോ. ഏബ്രഹാം ഓലിയപ്പുറത്ത്, അസിസ്റ്റന്‍റ് കോർപറേറ്റ് മാനേജർ ഫാ. വർഗീസ് ആലുക്കൽ, ഫാ. പോൾ ചുള്ളി എന്നിവർ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.