ജയിലിലെ ഗോപൂജ നിയമലംഘനമെന്നു മുഖ്യമന്ത്രി : Deepika.com Kerala News |

Click here for detailed news of all items

ജയിലിലെ ഗോപൂജ നിയമലംഘനമെന്നു മുഖ്യമന്ത്രി

Sunday, February 26, 2017 12:14 PM IST

തിരുവനന്തപുരം: ജയിലിനുള്ളിലെ ഗോ പൂജ ഈശ്വരന്‍റെ പേരിലായാലും നിയമലംഘനമാണെന്നു മുഖ്യമന്ത്രി പിണറായി വിജയൻ. സേനയുടെ അഭിമാനത്തിനു കളങ്കം വരുത്തുന്ന തരത്തിലുള്ള വിശ്വാസങ്ങൾ ജോലി സ്ഥലത്തു നടത്തരുതെന്നും കാസർഗോഡ് ജയിലിൽ നടന്ന ഗോമാതാ പൂജയെ പരാമർശിക്കവേ മുഖ്യമന്ത്രി പറഞ്ഞു.

അസിസ്റ്റന്‍റ് ജയിൽ വാർഡൻമാരുടെ പാസിംഗ് ഔട്ട് പരേഡിൽ സല്യൂട്ട് സ്വീകരിച്ച ശേഷം പ്രസംഗിക്കുകയായിരുന്നു മുഖ്യമന്ത്രി. ഈശ്വര വിശ്വാസം ഇല്ലാത്തവരും ഉള്ളവരും ഉണ്ടാകാമെങ്കിലും ഈശ്വര രൂപത്തിൽ പ്രത്യക്ഷപ്പെടുന്ന വസ്തുക്കളെയോ ജീവികളെയോ പൊതു സ്ഥലത്തു പൂജിക്കാൻ നിൽക്കരുത്. ജയിലുകളിൽ എത്തുന്നവരെ മാനസികമായ തിരുത്തലുകളിലൂടെ സമൂഹത്തിന് ഉപകരിക്കുന്നവരായി പുറത്തിറക്കുകയെന്നതാണ് ഓരോ വാർഡന്‍റെയും കടമയെന്നും മുഖ്യമന്ത്രി ഓർമിപ്പിച്ചു.

മുഖ്യമന്ത്രിയുടെ ഭാര്യ കമല, ഡിജിപി ലോക്നാഥ് ബെഹ്റ, ജയിൽ മേധാവി ആർ. ശ്രീലേഖ, ജയിൽ ഐജി എച്ച്. ഗോപകുമാർ, ഡിഐജി ബി. പ്രദീപ്, സിനിമാ താരം സോനാ നായർ തുടങ്ങിയവർ പരേഡ് വീക്ഷിക്കാൻ എത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.