കാത്തലിക് ടീച്ചേഴ്സ് ഗിൽഡ് സംസ്ഥാന സമ്മേളനം തൃശൂരിൽ : Deepika.com Kerala News |

Click here for detailed news of all items

കാത്തലിക് ടീച്ചേഴ്സ് ഗിൽഡ് സംസ്ഥാന സമ്മേളനം തൃശൂരിൽ

Wednesday, February 22, 2017 3:12 PM IST

തൃശൂർ: കേരള കാത്തലിക് ടീച്ചേഴ്സ് ഗിൽഡിന്‍റെ സംസ്ഥാന സമ്മേളനം ഇന്നും നാളെയും തൃശൂരിൽ നടക്കും. തൃശൂർ അതിരൂപതയുടെ മതബോധന കേന്ദ്രത്തിൽ മാർ ജോസഫ് പാസ്റ്റർ നീലങ്കാവിൽ പതാക ഉയർത്തും. വൈകിട്ട് ആറിനു പ്രതിനിധിസമ്മേളനം അതിരൂപത വികാരി ജനറാൾ മോണ്‍. തോമസ് കാക്കശേരി ഉദ്ഘാടനം ചെയ്യും. തുടർന്ന് വിദ്യാഭ്യാസമേഖല നേരിടുന്ന വിവിധ വിഷയങ്ങളെക്കുറിച്ച് ചർച്ചചെയ്യും.

നാളെ രാവിലെ 9.30 ന് തൃശൂർ സേക്രഡ് ഹാർട്ട് ഹയർ സെക്കൻഡറി സ്കൂളിൽനിന്ന് അധ്യാപക റാലി ആരംഭിക്കും. സെന്‍റ് തോമസ് കോളജ് അങ്കണത്തിൽ ചേരുന്ന അധ്യാപകസമ്മേളനം കെസിബിസി വിദ്യാഭ്യാസകമ്മീഷൻ ചെയർമാൻ മാർ ആൻഡ്രൂസ് താഴത്ത് ഉദ്ഘാടനം ചെയ്യും. സംസ്ഥാന പ്രസിഡന്‍റ് ജോഷി വടക്കൻ അധ്യക്ഷത വഹിക്കും. കെസിബിസി വിദ്യാഭ്യാസ കമ്മീഷൻ വൈസ് ചെയർമാനും തിരുവനന്തപുരം മലങ്കര അതിരൂപത സഹായമെത്രാനുമായ സാമുവൽ മാർ ഐറേനിയോസ്, മഹാത്മാഗാന്ധി സർവകലാശാല മുൻ വൈസ് ചാൻസലർ ഡോ. സിറിയക് തോമസ്, റവ. ഡോ.വർഗീസ് വള്ളിക്കാട്ട്, ഫാ. ജേക്കബ് പാലയ്ക്കാപ്പിള്ളി, തൃശൂർ അതിരൂപത കോർപറേറ്റ് മാനേജർ റവ.ഡോ. ആന്‍റണി ചെമ്പകശേരി, ടീച്ചേഴ്സ് ഗിൽഡ് ഭാരവാഹികളായ സാലു പതാലിൽ, എം.എൽ. സേവ്യർ, ജെസി ജയിംസ് എന്നിവർ പ്രസംഗിക്കും.

കേരള കത്തോലിക്കാസഭയുടെ ഒൗദ്യോഗിക അധ്യാപക പ്രസ്ഥാനമായ ടീച്ചേഴ്സ് ഗിൽഡ്, കേരളത്തിലെ ലത്തീൻ, മലങ്കര, സീറോ മലബാർ സഭാ വിഭാഗങ്ങളിലായി 31 രൂപതകളിലെ അധ്യാപകരുടെ പൊതുവേദിയാണ്. എല്ലാ രൂപതകളിൽനിന്നുമായി അയ്യായിരത്തോളം അധ്യാപകർ പങ്കെടുക്കുമെന്നു സംസ്ഥാന ഭാരവാഹികളായ ജോഷി വടക്കൻ, സാലു പതാലിൽ എന്നിവർ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.