മാരാമൺ കൺവൻഷനു ഫെബ്രുവരി 12നു തുടക്കമാകും : Deepika.com Kerala News |

Click here for detailed news of all items

മാരാമൺ കൺവൻഷനു ഫെബ്രുവരി 12നു തുടക്കമാകും

Wednesday, January 18, 2017 3:16 PM IST

കോട്ടയം: 122-ാമത് മാരാമണ്‍ കണ്‍വൻഷൻ ഫെബ്രുവരി 12നു തുടങ്ങും. 19 വരെ മാരാമണ്‍ പമ്പാനദിക്കരയിലാണു കണ്‍വൻഷൻ. 12ന് ഉച്ചകഴിഞ്ഞ് 2.30ന് ഡോ. ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലീത്ത ആരാധനയ്ക്ക് നേതൃത്വം നൽകും. ഡോ. യുയാക്കിം മാർ കൂറിലോസ് എപ്പിസ്കോപ്പ അധ്യക്ഷത വഹിക്കും. മാർത്തോമ സഭാധ്യക്ഷൻ ഡോ. ജോസഫ് മാർത്തോമ മെത്രാപ്പോലീത്ത ഉദ്ഘാടനംചെയ്യും.

13 മുതൽ 19 വരെ രാവിലെ 10നും ഉച്ചകഴിഞ്ഞ് രണ്ടിനും വൈകുന്നേരം 6.30നും പൊതുയോഗങ്ങളും രാവിലെ 7.30 മുതൽ സ്ത്രീകൾക്കും പുരുഷമാർക്കും ബൈബിൾ ക്ലാസും കുട്ടികൾക്കുള്ള പ്രത്യേക യോഗവും നടക്കും. 15ന് രാവിലെ 10ന് എക്യുമെനിക്കൽ സമ്മേളനം, ഉച്ചകഴിഞ്ഞു രണ്ടിനു ബോധവത്കരണ സമ്മേളനം എന്നിവ നടക്കും.

13, 14 തീയതികളിൽ വൈകുന്നേരം നാലിനു കുടുംബവേദി യോഗങ്ങൾ നടക്കും. 15നു വൈകുന്നേരം നാലിനു മദ്യവർജ്ജന സമിതിയുടെ പ്രത്യേക കൂട്ടായ്മ. 16 മുതൽ 19 വരെ യുവവേദി യോഗങ്ങൾ നടക്കും. പ്രസിദ്ധ സുവിശേഷ പ്രസംഗകരായ ബിഷപ് എഡ്വേർഡ് മുകുന്ദലേലി റാമലോണ്ടി, റവ.ക്ലെയോഫസ് ജെ.ലാറു, ലോർഡ് ഗ്രിഫിത്ത്സ് എന്നിവരാണ് മുഖ്യ പ്രസംഗകർ.

കണ്‍വൻഷന്‍റെ സുഗമമായ നടത്തിപ്പിനായി വിവിധ വകുപ്പുകളുടെ പ്രവർത്തനം ഏകോപിപ്പിച്ചിട്ടുണ്ട്. പത്രസമ്മേളനത്തിൽ റവ. ജോർജ് വർഗീസ് പുന്നയ്ക്കാട്, അനീഷ് കുന്നപ്പുഴ, എ.എം. മാണി, ഡോ. ഷിബു ഉമ്മൻ എന്നിവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.