ഡെന്‍റൽ അസോസിയേഷൻ സംസ്ഥാന സമ്മേളനം കോട്ടയത്ത് : Deepika.com Kerala News |

Click here for detailed news of all items

ഡെന്‍റൽ അസോസിയേഷൻ സംസ്ഥാന സമ്മേളനം കോട്ടയത്ത്

Wednesday, January 18, 2017 3:16 PM IST

കോട്ടയം: ഇന്ത്യൻ ഡെന്‍റൽ അസോസിയേഷന്‍റെ 49-ാമത് സംസ്ഥാന സമ്മേളനം "കോഡാക്’ 20 മുതൽ 22 വരെ കോട്ടയത്തു നടക്കും. ഹോട്ടൽ വിൻസർ കാസിലിൽ ചേരുന്ന സമ്മേളനത്തിൽ മൂവായിരത്തോളം പ്രതിനിധികൾ പങ്കെടുക്കും. ദന്ത ചികിത്സാരംഗത്തെ നൂതന സാങ്കേതിക വിദ്യകളും ചികിത്സാരീതികളും അതതു ശാഖകളിലെ വിദഗ്ധർ പ്രതിനിധികൾക്കു പരിചയപ്പെടുത്തും.

20ന് രാവിലെ ഒൻപതിനു കോട്ടയം ഗവണ്‍മെന്‍റ് ഡെന്‍റൽ കോളജിൽ ചേരുന്ന സമ്മേളനത്തിൽ പഠന ശില്പശാലകളുടെ ഉദ്ഘാടനം മെഡിക്കൽ കോളജ് പ്രിൻസിപ്പൽ ഡോ. ജോസ് ജോസഫ് നിർവഹിക്കും. അസോസിയേഷൻ സംസ്ഥാന പ്രസിഡന്‍റ് ഡോ. മുഹമ്മദ് സമീർ അധ്യക്ഷത വഹിക്കും. ഡന്‍റൽ കോളജ് പ്രിൻസിപ്പൽ ഡോ. കെ. ജോർജ് വർഗീസ് മുഖ്യപ്രഭാഷണം നടത്തും. വൈകുന്നേരം ആറിനു കോട്ടയം സിറ്റിസണ്‍സ് ക്ലബിൽ നടക്കുന്ന ഉദ്ഘാടന സമ്മേളനത്തിൽ മന്ത്രി കെ.കെ. ഷൈലജ മുഖ്യാതിഥിയാകും. വി.എൻ. വാസവൻ സാങ്കേതിക വ്യാപാരമേളയും തിരുവഞ്ചൂർ രാധാകൃഷ്ണൻ എംഎൽഎ ശാസ്ത്ര സമ്മേളനങ്ങളും ഉദ്ഘാടനം ചെയ്യും.

21ന് രാവിലെ 10ന് ശാസ്ത്രസമ്മേളനത്തിന്‍റെ ഉദ്ഘാടനം ഡോ. ബി. ഇക്ബാൽ ഉദ്ഘാടനം ചെയ്യും. 200ലധികം ശാസ്ത്രപ്രബന്ധങ്ങളുടെ അവതരണം നടക്കും.
22നു പ്രബന്ധ വിഷയങ്ങളിലുള്ള സമ്മാനദാനവും പ്രതിനിധി സമ്മേളനവും നടക്കും. പുതിയ ഭാരവാഹികളുടെ തെരഞ്ഞെടുപ്പും നടക്കും. പത്രസമ്മേളനത്തിൽ ഡോ. ലിനു എം. നൈനാൻ, ഡോ. ജോർജ് വർഗീസ്, ഡോ. മാത്യു ജോസഫ്, പ്രഫ. ഡോ. ഈപ്പൻ തോമസ്, ഡോ. എബി ജോസ്, ഡോ. പി.ജി. ആന്‍റണി എന്നിവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.