സംസ്ഥാന ചലച്ചിത്ര അവാർഡിന് അപേക്ഷ ക്ഷണിച്ചു : Deepika.com Kerala News |

Click here for detailed news of all items

സംസ്ഥാന ചലച്ചിത്ര അവാർഡിന് അപേക്ഷ ക്ഷണിച്ചു

Tuesday, January 17, 2017 3:13 PM IST

കൊച്ചി: മലയാള ചലച്ചിത്രങ്ങൾക്കുളള 2016 ലെ സംസ്ഥാന ചലച്ചിത്ര അവാർഡ് നിർണയത്തിന് ചലച്ചിത്ര അക്കാഡമി അപേക്ഷ ക്ഷണിച്ചു. 2016 ജനുവരി ഒന്നു മുതൽ ഡിസംബർ 31 വരെ സെൻസർ ചെയ്ത കഥാചിത്രങ്ങൾ, കുട്ടികൾക്കുളള ചിത്രങ്ങൾ, 2016 ൽ പ്രസാധനം ചെയ്ത ചലച്ചിത്ര സംബന്ധിയായ പുസ്തകങ്ങൾ, ആനുകാലികങ്ങളിൽ പ്രസിദ്ധീകരിച്ച ചലച്ചിത്ര സംബന്ധിയായ ലേഖനങ്ങൾ എന്നിവയാണ് അവാർഡിന് പരിഗണിക്കുക.

അപേക്ഷാഫോറവും നിബന്ധനകളും തിരുവനന്തപുരത്തുളള ചലച്ചിത്ര അക്കാഡമി ഓഫീസ്, ഇൻഫർമേഷൻ ആൻഡ് പബ്ലിക് റിലേഷൻസ് ഡിപ്പാർട്ട്മെന്‍റിന്‍റെ ജില്ലാ ഇൻഫർമേഷൻ ഓഫീസുകൾ, സിനിമാ സംഘടനകളായ ഫിലിം ചേംബർ, മാക്ട, അമ്മ, കേരള ഫിലിം പ്രൊഡ്യൂസേഴ്സ് അസോസിയേഷൻ, ഫെഫ്ക എന്നിവിടങ്ങളിൽ നിന്ന് ലഭിക്കും. അക്കാദമി വെബ്സൈറ്റിൽ നിന്ന് അപേക്ഷാ ഫോറവും നിയമാവലിയും നിബന്ധനകളും ഡൗണ്‍ലോഡ് ചെയ്യാം.
തപാലിൽ ലഭിക്കാൻ 25 രൂപ സ്റ്റാമ്പ് ഒട്ടിച്ച് മേൽവിലാസമെഴുതിയ കവർ സഹിതം സെക്രട്ടറി, സംസ്ഥാന ചലച്ചിത്ര അക്കാദമി, ശാസ്തമംഗലം, തിരുവനന്തപുരം10 വിലാസത്തിൽ അയക്കണം.
അപേക്ഷകൾ ഫെബ്രുവരി 10 വൈകുന്നേരം അഞ്ചിനു മുന്പായി അക്കാദമി ഓഫീസിൽ ലഭിക്കണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.