അന്വേഷണത്തിൽനിന്ന് എസ്പി സുകേശനെ മാറ്റണമെന്ന് ഡിജിപി ശങ്കർ റെഡ്ഡി : Deepika.com Kerala News |

Click here for detailed news of all items

അന്വേഷണത്തിൽനിന്ന് എസ്പി സുകേശനെ മാറ്റണമെന്ന് ഡിജിപി ശങ്കർ റെഡ്ഡി

Monday, January 16, 2017 1:00 PM IST

തിരുവനന്തപുരം: തനിക്കു ഡിജിപിയായി സ്ഥാനക്കയറ്റം നൽകിയതു സംബന്ധിച്ച കേസിലെ അന്വേഷണത്തിൽ നിന്ന് എസ്പി ആർ. സുകേശനെ മാറ്റണമെന്ന് വിജിലൻസ് മുൻ ഡയറക്ടർ എൻ. ശങ്കർ റെഡ്ഡി.

വിവാദ സ്ഥാനക്കയറ്റവുമായി ബന്ധപ്പെട്ട കേസ് തിരുവനന്തപുരം സ്പെഷൽ ഇൻവസ്റ്റിഗേഷൻ യൂണിറ്റ് ഒന്നിന് കൈമാറരുതെന്ന് കാട്ടി ഡിജിപി എൻ. ശങ്കർറെഡ്ഡി വിജിലൻസ് ഡയറക്ടർ ഡോ. ജേക്കബ് തോമസിന് കത്തു നൽകി.
വിശ്വാസ്യതയില്ലാത്ത ഉദ്യോഗസ്ഥനാണ് സ്പെഷൽ ഇൻവെസ്റ്റിഗേഷൻ യൂണിറ്റ് ഒന്നിലെ എസ്പി ആർ. സുകേശനെന്നും അദ്ദേഹത്തിന് കേസ് കൈമാറിയാൽ അട്ടിമറിക്കപ്പെടുമെന്നും റെഡ്ഡി കത്തിൽ പറയുന്നു.

1986 ബാച്ച് കേരള കേഡർ ഐപിഎസ് ഉദ്യോഗസ്ഥനാണ് ശങ്കർ റെഡ്ഡി. ഇദ്ദേഹമുൾപ്പെടെ നാല് എഡിജിപിമാർക്ക് കഴിഞ്ഞ സർക്കാരിന്‍റെ കാലത്ത് ഡിജിപി ആയി സ്ഥാനക്കയറ്റം നൽകിയിരുന്നു.

പായ്ച്ചിറ നവാസ് എന്നയാളാണ് വിജിലൻസ് കോടതിയെ സമീപിച്ചത്. പരാതി ഫയലിൽ സ്വീകരിച്ച കോടതി അന്വേഷണത്തിന് ഉത്തരവിട്ടു. ഇതിന്‍റെ അടിസ്ഥാനത്തിൽ ജേക്കബ് തോമസ് സുകേശന് അന്വേഷണം കൈമാറി. ഇതനുവദിക്കരുതെന്ന് ആവശ്യപ്പെട്ടാണ് ശങ്കർ റെഡ്ഡി വിജിലൻസ് ഡയറക്ടർക്കു കത്തു നൽകിയിരിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.