വിജിലൻസ് ഡയറക്ടർക്ക് എതിരായ അപ്പീൽ മാറ്റി : Deepika.com Kerala News |

Click here for detailed news of all items

വിജിലൻസ് ഡയറക്ടർക്ക് എതിരായ അപ്പീൽ മാറ്റി

Monday, January 16, 2017 1:00 PM IST

കൊച്ചി: വിജിലൻസ് ഡയറക്ടർ ജേക്കബ് തോമസിനെതിരേ സിബിഐ അന്വേഷണം വേണമെന്ന ഹർജി തള്ളിയതിനെതിരേ സമർപ്പിച്ച അപ്പീൽ ഹൈക്കോടതി ഡിവിഷൻ ബെഞ്ച് അടുത്തയാഴ്ച പരിഗണിക്കാനായി മാറ്റി.

കേരള ട്രാൻസ്പോർട്ട് ഡെവലപ്പ്മെന്‍റ് ഫിനാൻസ് കോർപറേഷൻ എംഡിയായിരിക്കെ ഗവേഷണത്തിനായി അവധിയെടുത്ത് ജേക്കബ് തോമസ് കൊല്ലത്തെ ഒരു സ്വകാര്യ സ്ഥാപനത്തിൽ ജോലി നോക്കിയ സംഭവം സിബിഐ അന്വേഷിക്കണമെന്നായിരുന്നു ഹർജിക്കാരനായ കണ്ണൂർ കൂത്തുപറന്പ് സ്വദേശി സത്യൻ നരവൂരിന്‍റെ ആവശ്യം.

ഇതിൽ ജേക്കബ് തോമസ് ഓണറേറിയം മുഴുവൻ തിരികെ നൽകിയ സാഹചര്യത്തിൽ തുടർ നടപടി വേണ്ടെന്നായിരുന്നു സർക്കാർ തീരുമാനം. ജേക്കബ് തോമസ് തുറമുഖ വകുപ്പ് ഡയറക്ടറായിരിക്കെ മണ്ണെടുപ്പുമായി ബന്ധപ്പെട്ട കേസിൽ ഹർജിക്കാരനെതിരേ നടപടി സ്വീകരിച്ചിരുന്നെന്നും ഇതിലുള്ള വൈരാഗ്യമാണ് ഹർജിക്കടിസ്ഥാനമെന്നും സർക്കാർ ചൂണ്ടിക്കാട്ടി.

സർക്കാരിന്‍റെ വാദത്തിൽ കഴന്പുണ്ടെന്നു വിലയിരുത്തിയാണ് സിംഗിൾബെഞ്ച് ഹർജി തള്ളിയത്. ഹർജിയിലെ വസ്തുതകൾ വിലയിരുത്താതെയാണ് സിംഗിൾ ബെഞ്ചിന്‍റെ നടപടിയെന്നു ചൂണ്ടിക്കാട്ടിയാണ് സത്യൻ നരവൂർ അപ്പീൽ നൽകിയിട്ടുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.