സിപിഎം നേതാവ് സക്കീറിനെതിരേ ഹൈക്കോടതിയിൽ ഹർജി : Deepika.com Kerala News |

Click here for detailed news of all items

സിപിഎം നേതാവ് സക്കീറിനെതിരേ ഹൈക്കോടതിയിൽ ഹർജി

Monday, January 16, 2017 12:29 PM IST

കൊച്ചി: വ്യവസായിയെ തട്ടിക്കൊണ്ടുപോയി മർദിച്ചെന്ന കേസിൽ പ്രതിയായ സിപിഎം നേതാവ് സക്കീർ ഹുസൈൻ എറണാകുളം ജില്ലാ സ്പോർട്സ് കൗണ്‍സിൽ പ്രസിഡന്‍റായി തുടരുന്നത് തടയണമെന്നാവശ്യപ്പെട്ട് ഹർജി. കളമശേരി സ്വദേശി സി.കെ. അജയകുമാറാണ് ഹൈക്കോടതിയിൽ ഹർജി നൽകിയിരിക്കുന്നത്.

വ്യവസായിയായ ജൂബി പൗലോസിനെ തട്ടിക്കൊണ്ടുപോയി മർദിച്ച കേസിൽ സിപിഎം കളമശേരി ഏരിയ സെക്രട്ടറിയായിരുന്ന സക്കീർ ഹുസൈനെ പോലീസ് അറസ്റ്റു ചെയ്തിരുന്നു. കേസിൽ കോടതി ജാമ്യം നൽകിയതിനെത്തുടർന്ന് പുറത്തിറങ്ങിയ സക്കീർ ഹുസൈൻ ജില്ലാ സ്പോർട്സ് കൗണ്‍സിൽ പ്രസിഡന്‍റായി തുടരുകയാണെന്ന് ഹർജിയിൽ പറയുന്നു.

സക്കീർ ഹുസൈനെതിരെ 16 ക്രിമിനൽ കേസുകളുണ്ടെന്നും ഇയാൾ പോലീസ് സ്റ്റേഷനിലെ റൗഡി ലിസ്റ്റിൽ ഉൾപ്പെട്ടയാളാണെന്നും കേസിൽ സർക്കാർ തന്നെ ഹൈക്കോടതിയിൽ ബോധിപ്പിച്ചിട്ടുണ്ട്. ക്രിമിനൽ കേസ് പശ്ചാത്തലമുള്ള ഒരാൾ ഈ പദവിയിൽ തുടരുന്നത് 2000 ലെ കേരള സ്പോർട്സ് കൗൺസിലെ നിയമത്തിലെ ലക്ഷ്യങ്ങൾക്ക് വിരുദ്ധമാണെന്ന് ഹർജിയിൽ പറയുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.