കെഎസ്ആർടിസി എംഡി തെരഞ്ഞെടുപ്പ് നിരീക്ഷകനായി യുപിയിലേക്ക് : Deepika.com Kerala News |

Click here for detailed news of all items

കെഎസ്ആർടിസി എംഡി തെരഞ്ഞെടുപ്പ് നിരീക്ഷകനായി യുപിയിലേക്ക്

Monday, January 16, 2017 12:14 PM IST

തിരുവനന്തപുരം: പ്രതിസന്ധിയിൽ നില്ക്കുന്ന കെഎസ്ആർടിസിക്ക് അടുത്ത പ്രഹരമായി എംഡിയുടെ തെരഞ്ഞെടുപ്പ് ഡ്യൂട്ടി. കെഎസ്ആർടിസി എംഡി രാജമാണിക്യം 40 ദിവസത്തോളം യുപിയിലെ തെരഞ്ഞെടുപ്പ് നിരീക്ഷകനായി പോവുകയാണ്. ഇതിന്‍റെ ഭാഗമായുള്ള പരിശീലനം കഴിഞ്ഞ് കഴിഞ്ഞ ദിവസമാണ് തിരിച്ചെത്തിയത്.

രാജമാണിക്യം എം.ഡിയായി എത്തിയശേഷവും ജീവനക്കാർക്കും പെൻഷൻകാർക്കും കൃത്യമായി മാസാദ്യം ശമ്പളമോ പെൻഷനോ നല്കാൻ സാധിച്ചിട്ടില്ല. ഇതിനിടയിലാണ് ഇദ്ദേഹത്തെ തെരഞ്ഞെടുപ്പ് നിരീക്ഷകനായി നിയോഗിച്ചിരിക്കുന്നത്.

സംസ്ഥാനത്തു നിന്നും മൂന്ന് ഐഎഎസ് ഉദ്യോഗസ്ഥരെയാണ് യുപിയിലെ തെരഞ്ഞെടുപ്പ് നിരീക്ഷകരായി നിയോഗിച്ചിട്ടുള്ളത്. പ്രതിസന്ധിയിലുള്ളകെഎസ്ആർടിസിയുടെ എംഡിയെ തെരഞ്ഞെടുപ്പ് നിരീക്ഷകനായി വിടുന്പോൾ കോർപറേഷന്‍റെ ദൈനംദിന പ്രവർത്തനങ്ങൾക്ക് നാഥനില്ലാത്ത സ്ഥിതിയാകുമെന്ന ആക്ഷേപവും ഉയർന്നിട്ടുണ്ട്. എന്നാൽ വളരെ കുറച്ചു ദിവസത്തേയക്ക് മാത്രമാണ് എംഡി പോകുന്നതെന്നും അതിനാൽ പകരം ആരേയും നിയോഗിക്കേണ്ടതില്ലെന്നുമാണ് ഗതാഗത വകുപ്പിന്‍റെ നിലപാട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.