ചിന്നാറിൽ ആദ്യദിനം അമ്പതോളം മലയണ്ണാനുകൾ : Deepika.com Kerala News |

Click here for detailed news of all items

ചിന്നാറിൽ ആദ്യദിനം അമ്പതോളം മലയണ്ണാനുകൾ

Monday, January 16, 2017 12:14 PM IST

മറയൂർ: മറയൂരിനു സമീപത്തുള്ള ചിന്നാർ വന്യജീവി സങ്കേതത്തിൽ ചാമ്പൽ മലയണ്ണാനുകളുടെ കണക്കെടുപ്പ് നാളെ പൂർത്തിയാകും. മൂന്നുദിവസമായി നടക്കുന്ന കണക്കെടുപ്പിൽ ഇതുവരെ അമ്പതോളം ചാമ്പൽ മലയണ്ണാനെ കണ്ടെത്തി. കേരളത്തിൽ ആദ്യമായാണു ചാമ്പൽ മലയണ്ണാന്‍റെ കണക്കെടുപ്പ് നടത്തുന്നത്.

ഇന്ത്യയിൽ ചിന്നാർ വന്യജീവി സങ്കേതത്തിലും തമിഴ്നാട്ടിലെ ശ്രീവല്ലിപുത്തൂർ വന്യജീവി സങ്കേതത്തിലും മാത്രമാണ് ഇവയുള്ളത്. 90.442 ചതുരശ്ര കിലോമീറ്റർ വിസ്തൃതിയുള്ള ചിന്നാർ വന്യജീവി സങ്കേതത്തിലെ ആലാംപെട്ടി, പാമ്പാറിന്‍റെയും ചിന്നാറിന്‍റെയും ഇരുവശങ്ങളിലെ റൈപ്പറിയൻ ഫോറസ്റ്റിലാണ് ഇവയെ കാണുന്നത്.

ചിന്നാർ വന്യജീവി സങ്കേതത്തിൽ ഇവയെ കാണാറുള്ള വനമേഖല ആറു ബ്ലോക്കുകളായി തിരിച്ചാണു സർവേ ആരംഭിച്ചത്. അഞ്ചു ദിവസങ്ങളിലായി നടക്കുന്ന സർവേയിൽ ബീറ്റ് ഫോറസ്റ്റ് ഓഫീസർമാരും ട്രൈബൽ ട്രക്കേഴ്സും പങ്കെടുക്കുന്നുണ്ട്.
മുന്നാർ വൈൽഡ് ലൈഫ് വാർഡൻ ജി. പ്രസാദ്, ചിന്നാർ അസിസ്റ്റന്‍റ് വൈൽഡ് ലൈഫ് വാർഡൻ പി.എം. പ്രഭു, ഡോ. രാജൻ പിലാക്കണ്ടി എന്നിവരുടെ നേതൃത്വത്തിലാണു സർവേ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.