സ്കൂട്ടർ ഇടിച്ചു പരിക്കേറ്റ വൈദികൻ മരിച്ചു : Deepika.com Kerala News |

Click here for detailed news of all items

സ്കൂട്ടർ ഇടിച്ചു പരിക്കേറ്റ വൈദികൻ മരിച്ചു

Saturday, January 14, 2017 2:10 PM IST

കോട്ടയം: നിയന്ത്രണംവിട്ട സ്കൂട്ടർ ഇടിച്ചു പരിക്കേറ്റു ചികിത്സയിലിരുന്ന വൈദികൻ മരിച്ചു. യാക്കോബായ സുറിയാനി സഭ കോട്ടയം ഭദ്രാസനാംഗവും കുറിച്ചി അട്ടച്ചിറ പണിക്കരുപറമ്പിൽ പരേതരായ എ.ടി. വർഗീസിന്‍റെയും അന്നമ്മ വർഗീസിന്‍റെ മകൻ ഫാ. ബേബി വർഗീസ് (ഫാ. മർക്കോസ് പണിക്കരുപറമ്പിൽ- 57) ആണ് മരിച്ചത്.

സംസ്കാരം നാളെ ഉച്ചകഴിഞ്ഞ് 1.30നു വസതിയിലെ ശുശ്രൂഷയ്ക്കു ശേഷം മെത്രാപ്പോലീത്താമാരുടെ മുഖ്യകാർമികത്വത്തിൽ കുറിച്ചി സെന്‍റ് മേരീസ് സൂനോറോ പുത്തൻപള്ളിയിൽ.

കാരിത്താസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ഇന്നു വൈകുന്നേരം ആറിനു വീട്ടിലെത്തിക്കും.

കാരിത്താസിൽനിന്ന് ഉച്ചകഴിഞ്ഞു മൂന്നിനു വിലാപയാത്രയായി തിരുവഞ്ചൂർ സെന്‍റ് മേരീസ് കുരിശുപള്ളിയിൽ എത്തിക്കുന്ന മൃതദേഹം അവിടെ പൊതുദർശനത്തിനു വയ്ക്കും.

കഴിഞ്ഞ 11നു രാവിലെ 8.30നു കുറിച്ചി ഒൗട്ട്പോസ്റ്റിനു സമീപമായിരുന്നു അപകടം.
ബുധനാഴ്ച രാവിലെ പരിശോധനയ്ക്കായി രക്തം നൽകിയ ശേഷം കുറിച്ചിയിൽ റോഡ് സൈഡിൽ നിൽക്കുമ്പോൾ കാറിനെ മറികടന്നെത്തിയ സ്കൂട്ടർ ഇടിച്ചാണു അച്ചന് അപകടം സംഭവിച്ചത്.

യുവതി ഓടിച്ച സ്കൂട്ടർ ഇടിച്ച അച്ചൻ തെറിച്ചു റോഡിൽ വീണു. റോഡരികിൽ തലയടിച്ചു വീണ വൈദികനെ ഉടൻതന്നെ തെള്ളകത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്നലെ പുലർച്ചെ ആറോടെ മരണത്തിനു കീഴടങ്ങി.

ഭാര്യ: സാലി വർഗീസ്, വെള്ളൂർ പൈലിത്താനം കുടുംബാംഗം. മക്കൾ: സൾഗോ (നഴ്സ് കുവൈറ്റ്), സെമഹോ (അസിസ്റ്റന്‍റ് മാനേജർ കാനറ ബാങ്ക്, തൃശൂർ), സർഗോണ്‍ (ചെന്നൈ). മരുമകൾ: ജോസി ചാണ്ടി (കുമരകം പുതിയാം
പറമ്പിൽ)

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.